تیرانی برمش پدّر اِنت

بَہ مانگی گپ ایش اِنت کہ  ماں بلوچستان ءِ هرچ کنڈے ءَ هر شپ ءَ  تیرانی توار ءِ آماچ اشکنگ  بیت ءُ چو کہ جاه کیت بازیں کارمسترے  ءِ گوشاں گوں اے برزیں توار هیل کتگ 
یا نہ لوٹ اَنت بہ گند انت کہ اے  وتن ءِ سولین پرزند پرچا هر روچ وتی هون ءِ ته ءَ  پلپٹ انت .
ملک  ءِ مستریں واهند ءُ مَڈّی کہ راج انت  چہ دست ءَ روگ  ءَ اِنت بلے پہ بژن گُشَگ بیت کہ ما را دراهیں جهان ءِ نابرابری تورین اَنت رسانکدر ءُ ریڈیوانی توک ءَ گندینءُ اشکن ایں کہ پلیس ءَ دست برز ءَ  کتگیں مردمے بیران کت  بلے بلوچ راج ءِ گونڈین مات ءُ بچ ءُ پرزندانی بیرانی ءَ نگندین ءُ ما را نہ تورین ایت.
هژدری تریں راج ءِ لوٹ چہ  ملک ءِ کارمستران ایش انت کہ آیانی مال ءُ جان سمبالگ بہ بیت 
بلے پہ بژن گندگ بیت کہ اے رهبندانی تاک بلوچ نندوکیں هند ءُ دمگاں رمیزان وارتگ 
سک دیر نه انت کہ گون کمتریں دسترسی ءُ گاڑی ءُ پازگاهاں همے ملک ءِ وتی پرزنداں وتی ملک ءِ سکین ءُ ارامی ءَ برجم داشتگ ات .

ملک ءِ واهندانی کشگ رَدی یے نہ انت جنایتے

اگاں هم ما بہ منّ ایں کہ هر روچ هما کس  مارا کشگ انت کہ آیانی کوپگ ءَ مئے جان ءُ مال ءِ بچارینگ ایر کنگ بوتگ مسترین اڑ ءُمسئلہ  یے پیداک  بیت .
مرچیگیں روچ ءَ کہ جهان ءِ زوراک کوگار کنگ ءَ اَنت کہ ما لوٹیں ایران ءِ کوماں چہ ایران ءُ هکومت ءَ دور بہ کن ایں ءُ ایران ءَ توک ءَ چہ چنڈ چنڈ بہ کن ایں
مئے ملک ءِ ماتانی اُپّاران گیشتر چہ پیسر ءَ اشکنگ لوٹ انت۔
ایشی ءِ راه هم ایش انت کہ  ایشی بدل ءَ  کہ  چشیں هالاں چیر بہ دئیں بِلّیں کہ ردی کنوک وتی ردیانی بها ءَ بہ دے انت ءُ هکومت آیانی گلتی ءِ کیمت ءَ مہ دنت داں مردمی بروسہ وتی کارمسترانی سر ءَ گیشتر بہ بیت

منوچهر بارکزهی