میارجلّ ءِ کسّہ گشتانک چہ یک ھُدا داتگیں جَلّ ءُ گُنجاھِشتے / سید ءُ سیادی بندن ان ءِ بُنِکّی دیمروی

پہ میارجلّ ءِ ھالرسانی رسانکدر ءِ ھال ءِ سر ءَ ، بریس ءِ بَندِن ماں بلوچستان ءِ روچ دراتکی تریں کُنڈ ءُ جاگہ ، اے ھَلاکَہ ءِ تہ ءَ سید ءُ ماھیگری ، گَشت ءُ گولی ءُ سیل ءُ ندارہ چاری کار ءُ بارانی تہ ءَ مھم ءُ پَکّائیں بِستارے ءِ واھُوند اِنت.

اے بَندِن گوں وَتی مھم ءُ ارزشتی ایں بستار ءَ سَوَب بوتگ کہ کِساس ۲۴۲۵ سیاد ءُ ماھیگر ھور گوں گیش چہ ۴۲۰ کَسان ءُ مَزَنیں لانچ اں ، ماھیگ ءِ سید ءُ شکار ءِ گُلائیش بہ بنت.

بریس ءِ بَندِن ، نے کہ ایوَک ءَ پَہ کار ءِ گُلائیشی ، بلکیں ماں گَشت ءُ گُولی ءُ سَیل ءُ نِدارَہ چاری کار اں ، مھم ءُ اَرزشتی زِمَّہ ئے ے زوروک اِنت . اے بَندِن ، گوں وَتی ریک ُ تلاری تیاب دَپ اں ھر سال ءِ تہ ءَ بازیں مُلکی ءُ درمُلکی گَشت ءُ گول کَنوک ءُ سَیل ءُ نِدارہ چاروک ایں مردمانے ءِ جَلّوک ُ میزبان بوتگ.

بژن انت کہ گُوَستگ ایں سالاں ، دشتیاری شھرستان ءُ دَمَگ ءِ سیاد ءُ ماھیگراں ھاسکار بریس بَندِن ءِ چوشیں مردماں ، لَھتے مشکل ءُ نگیگی اں چوشکہ بریس ءِ اِسکلہ ءُ تیاب دپ ءِ گیش ایں گَنش ءُ گونشانی در نہ آرگ ءُ پِھک نہ کَنَگ ءِ آماچی سَوَب بوتگ کہ مھلوک چہ اے ھاتر ءَ گِلَگ بہ کن انت . اے نگیگی سَوَب بوتگ کہ ( مھلوک ) پہ اسکلہ ءِ تہ ءِ ماں کپگ ءُ چہ اود ءِ درکَپَگ ءِ ھاتر ءَ گوں ( لَھتے ) مشکلاں دیم پہ دیم بہ بنت.

سید ءُ سیادی بَندِنانی بُنَکّی کار ءُ بار ان ءِ دیمروی سَوَب بوت کَنت داں کہ کار ءُ دست گُلائیشی گیش تر بہ بیت . اَنّیگیں وَھد ءَ ۸ شیلاتی کار ءُ بار اں ، چوشکہ ماھیگ ءِ کنسرو ءُ ڈبّوک ءِ ۲ کارجاہ ، عمل آوری ءُ پیم کَنَگی ءِ ۴ کارجاہ ءُ سردجاہ ، بَرپ ءِ پیم کَنَگ ءِ یک کارجاہ ، ماھیگ ءِ ھُورت ءُ پوڈر کنگ ءِ یک کارجاھے ھور گوں ۵ سیادی ءِ تعاونی ءُ ھورکاری ، بریس بندن ءِ تہ ءَ کار ءُ بار ءِ جُھد ءَ انت.