موسم زانتی اوشتجاہ ءِ موسمی ھَلِگدار ءُ زرد رنگیں بیمباہ ، ماں بلوچستان ءُ اے دمگ ءِ زری ھنداں .

چہ میارجل ءِ بنجاھی ھالرسانی ءِ ھالانی رد ءَ ; شنبہ داں دوشنبہ ءِ روچ ءِ سباہ ءَ ( ۱۲ داں ۱۴ ) پروردین ، ترندیں گوات ءِ کَشّگ چہ روچ نشتی دمگاں بگر داں روچ نشت ءِ زرباری سرھدّاں ، یکشنبہ ءِ روچ ءَ لوڈ ءُ گوات ماں جھگیری ءُ زرباری دمگانی کمان انت . انچوش چہ یکشنبہ ءِ دیگر ءَ داں چارشنبہ ءِ روچ ءَ ، ترندیں گوات ءِ کَشّگ گوں ۵۵ کیلومٹر ءِ تیزی ءَ ، موسمی زردیں رنگ ءِ بیمباہ ءَ گوں ، پہ روچ نشتی دمگاں گمان انت . ھمے وھداں زر ءِ چولاں ۲ مٹر ءِ برزی ءَ ماں مکران ءِ رز ءِ تیا دپی ھنداں گمان بیت .

واجہ مُھسن ھیدری گوں زری ھندانی زرد رنگیں بیمباہ ءَ جار جَنَگ ءَ ، تیاب دپی مردمان ءَ چہ گیر زلوری ایں رَوَگ ءُ آیگ اں ماں لوڈ ءُ گواتی موسم ءِ تہ ءَ ، انچوش چہ گیر زلوری سات ءُ سپر اں ، ماں پھرہ ءُ بم ، واش ءُ دزّاپ ، واش ءُ شستون ءِ راھانی نیام ءَ مَکَن کتگ . اے ھند ءُ ھبیلی اں ، آس ءِ روک کنگ ماں گیاب ءُ ھورکیں ھندانی تہ ءَ پہ " تبیّت ءِ روچ ءِ نیمون ءَ ، ھنکیں بَیَگ ماں کوھانی دامن ءُ چیر دستی جاھاں چہ سنگ ءُ ڈوک ءِ سرانڈیل بیگ ءِ ھاتر ءَ ، انچوش کوھانی سرکپگ ءِ مَکَن انت . 

واجہ ھیدری ءَ انچوش زری ھندانی زردیں بیمباہ ءَ ماں زرتیاب ءَ چہ مکران ءِ زر ءِ ھینژوپ ءُ بُرزیں چولانی آماچی ءِ ھاتر ءَ دات ءُ گوشت کہ گونڈیں یگداراں ھاسکار ھما چِست ءُ سُبکیں یگدارانی ترّ ءُ تاب ءِ مکن انت . پہ مردمانی کمتریں تاوانباری ءَ ، دریا گولیں جھدکارانی تیاری ءُ جریدگی ماں اے پڑاں ھژدری انت

رجانک : میرجلال