ماں چاگردی زندمان ءِ رد ءَ وش ترانی ءِ کتہ کاری یک زلورتے انت + تامر
واجہ مالک کرنگش یک سوبمندیں دربرینوک ءُ ورنائے انت کہ وتی یک نند ءُ نیادے ءِ رد ءَ ، وش ترانی ءِ ازم ءِ بارو ءَ گپ جنت .
چہ میارجل ءِ بنجاھی ھالرسانی ءِ ھالانی رد ءَ ; وش ترانی ءِ ازم ءِ یک دربرینوکے ، اے ازم ءِ بستار ءِ بارو ءَ گپ کت ءُ انچوش سرپدی دات کہ وش ترانی ءُ وش گپّی ءِ وس ءُ واک ، مرچیگیں گیدی ءِ تہ ءَ لس مردم ءِ سوبمندی ءَ پیش دار ایت ءُ دیم ءَ کار ایت . اے ازم پہ ھما مردماں کہ لوٹ انت وتی چاگرد ءِ تہ ءَ گیشتریں رھوتے ءَ گوں دگران بہ دار انت ھژدری انت .
مالک کرنگش چہ ھما گَلّ ءِ ورناھان انت کہ لوٹ انت ھما لس مردمان ءَ کہ اے ازم ءِ لوٹوک ءُ واھگدار انت یا کہ چہ وتی شرموکی ءِ ھاتر ءَ ، چوشیں مردمان ءَ چاگرد ءِ تہ ءَ گپّ جنگ ءِ بیمّ انت ، آھان ءَ پہ وش تران ءُ شر گپتاریں مردمے ءِ داب ءَ بَدَل بہ کنت
رجانک : میرجلال
کارمرز کنوکانی هیال