کنارک ءِ زری واک ءِ ۹۶ تھتیں میان استمانی نادراہ جاھے دیم درائی بوت

واجہ بھرام عین اللھی ماں اے دیم درائی مراگش ءِ رد ءَ تران کت ، سیستان ءُ بلوچستان ءِ زرباری دمگاں چہ بھداشت ءُ جاندراھی ءِ آسراتی انی ھساب ، وھدان انت کہ پشت کپتگ بلے نوں اے بنگپ ءِ دیمروی ءِ ھاتر ءَ لھتے گامگیج بندات بوتگ ءُ ما ، اے ھلاکہ ءِ بھداشتی کمّی ءُ نگیگی ان ءَ ھاسکاریں دابے ءَ پیلو کنگ ءَ ایں .

"بھداشت" ءِ وزیر ءَ گوشت کہ کنارک ءِ زری واکانی نادراہ جاہ ، اے وڑیں بھداشتی جھکیرانی اولی نادراہ جاہ انت کہ ماں سیستان ءُ بلوچستان ءِ ھلاکہ ءُ پھرہ ءِ علوم پزشکی زانشت جاہ ءِ چیردستی ءَ ، ۱۳ ھزار ءُ ۲۰۰ "متر مربع" زمین ءِ سر ءَ گوں ۹۶ نادراھی تھتانی کارمرزی ءَ ، چہ ایران ءِ زری پوج ءِ نیمگ ءَ بندات ءُ گوں بھداشت ءُ درمان ءِ وزارت ءَ پلامرزی ءَ ٹھینگ ءُ دیم درائی بوتگ .

اے واجہ ءَ گیش کت کہ اے نادراہ جاہ ءِ تہ ءَ ، جراحی ، دنتانی دکتری ، سی تی اسکن ، رادیولوژی ، فیزیوتزاپی ، ھاسکاریں کلینک ءُ اوژانس ءِ ھزمت ءُ آسراتی ، پہ زری واک ءِ دزھیں کارندہ انی لوگمان ءُ زراباد ءُ کنارک ءِ دمگانی ۱۰۰ ھزار جھمنندیں مردماں کارمرز بیگ انت .

ھالـکار : عبدالقادر شیخ زادہ 

رجانک : میر جـــــلال .