چھبار دمگ ءَ عثمان آباد ءِ ھلک ، جنجٹانی امبارے ، اے ھلک ءِ مھلوک ، اگدہ دارانی کول ءُ لبزانی پورہ بی

چہ میارجل ءِ بنجاھی ھالرسانی ءِ ھالانی رد ءَ ; عثمان آباد ، چھبار ءِ یکے چہ کوھنیں ھلک ءُ کلّگان ان انت کہ اد ءِ مھلوک چہ سالانی سال گوں تھر پہ تھریں شلگرہ ان چوشکہ ; آپ ءِ کمّی ، دگ ءُ کوچگانی تھاری ءُ بے رُژنی ، آپانی چیر ساچ ءُ بن ھشت ءِ نہ بیگ ءَ گوں جیگ ماں جیگ انت . چھبار ءِ کلانیں سروک ءُ شھر ءِ شھردار گوں آ دگہ کارگسانی کارمستراں ، اے ھلک ءِ مردمانی نیام ءَ ساڑی بوت انت ءُ آھانی گپ ءُ ماسیگ ءَ را دلگوش گوَر دات ، رند چہ مردمانی نیاد ءُ گپانی گوش دارگ ءَ ، ھند ءُ دمگ ءِ درھیں زمہ واراں اے ھلک ءِ مشکل ءُ نگیگی انی رھدری ءُ پیلو کنگ ءِ لبز ءَ را دات . میارجل ءِ ھالکار پہ واجہ کارانی لبز ءُ کولانی رندگیری ءِ ھاتر ءَ ، چنت روچ ءَ پد اے ھلک ءَ ساری بیت ءُ چم دیدیں ھال ءُ ترانے چہ اگدہ دارانی لبزانی پورہ ای ءُ ناپورہ ای ءَ ٹھین ایت . اے تامرھال ءِ رد ءَ شما عثمان آباد ھلک ءِ مشکل ءُ نگیگی ان ءَ چہ مردمانی وتی دپ ءَ اشکن ات . ھالکـار : عبدالقادر شیخ زادہ رجانک : میرجـــــلال.