چھبار ءِ وردشی برنامگانی ھزار توک/ اُزمان آباد ءِ میتگ ءِ وردشکار چہ یک وردشی زمینے ءِ بے آسری ءَ گُ

میارجلّ ھالرسانی بُنجاہ ءِ ھالانی ءِ رِد ءَ؛ وردش ماں بلوچستان ءَ دیریگیں بُنزھے دار اِیت پہ دابے کہ بازینے چہ کوچّگی ورنایاں مزنیں ھُب ءُ دوستی یے پہ وردش ءَ دار اَنت ءُ ماں سکّ تریں چاگردی جاوراں وردشی جھداں گُلائیش بنت.

شھرستان چھبار ءِ اُزمان آباد ءِ میتگ، یکّے چہ چھبار ءِ باز مردمیں ءُ دیریگیں میتگان اِنت ءُ آئی ءِ وردشکار چہ وردشی جاہ ءِ نیستی ءَ گُش اَنت؛ ھمے پیم لھتیں چہ وردشکاراں ھم گوں میارجلّ ءِ ھالکار ءَ گپّ ءُ تْران کنان ءَ چہ وردشی یکّیں زمین ءِ بے آسری ءَ گُشت ءُ نوکی کرار اِنت شھرداری اے زمین ءَ کاربری بدلی بہ دَنت وردشکارانی دست ءِ ھستیں منّانک رندگیریانی بے آسری ءَ نشان دنت ءُ پیش داراِیت ءُ بژنی گپ اِیش اِنت کہ ھچ نھادے پہ چھبار ءِ اُزمان آباد ءِ  میتگ ءِ ورنا ءُ ورزشکاراں گوں ھمکاری ءُ ھمکوپگی کنگ ءَ نہ اِنت.

ماں اِے ھال ءَ ھوار گوں اُزمان آباد میتگ ءِ مردمانی گپّ ءُ تْران ءَ، ھمے پیم گوں بلوچستان ءِ زِرباری شھرانی مردم ءِ جھگیر واجہ مئین الدّین سئیدی ءُ اُگبالی، پارلمانی ءُ وردش ءُ ورنایانی استانی کارانی کمک کار واجہ بنیامین شکوھی پَر ءَ ماں چھبار ءَ وردشی برنامگانی اَڑ ءُ جنجالانی بارہ ءَ گپّ ءُ تْرانے رِد ءُ بند داتگ.

رجانک : جنید بلوچ