ماتی زبانانی میان استمانی روچ ءِ درگت ءَ ،بلوچی زبان ءِ آگُنڈ کْوھن ءُ گوستانک ءَ سَکّ اَنت + تامر
بلوچانی یک کارندھے دَرائینگ اِنت کہ بلوچی زبان چہ پارتاں ، ءُ پھلوی میانگ ءَ اِنت کہ بازیں توار ءُ گال ءُ بْراگ ئِے ساٹ اِتگ اَنت کہ بیستون ءِ کوہ ءُ جمشید ءِ تھت ءِ دست نبشتھانی گیشتریں گال بلوچی اَنت ۔
چہ میارجل ءِ ھالرسانی بنجاہ ءِ ھالانی رِد ءَ : مولانا سیدمھمد درتکیدہ کہ میارجل ءِ کارگس ءَ ساڑی بوتگ اَت کوھنیں پارسی ءُ بلوچی ءِ پردگ ئِے درت ءُ ءُ چو پَرّیتک ئِے : پہ درور داریوش ءَ ماں یک دست نبشتھے ءَ وتی پجار چو کتگ : «بَگَ وَزَکَ ائورمزدا هیءَ اَوَم آسمانم اَدا هیءَ ایمام بومیم اَدا هیءَ مَرتِیَم اَدا هیءَ شیاتیم ادا مرتَهیا»
آئی ءَ تران کنان کت ءُ بزانت ئِے ماں پارسی ءَ چو گوشت اَنت : "خدای بزرگ اھورا مزدا ، او آن آسمان را آفرید ، و او این زمین مان را آفرید ، او مردم را آفرید ،او شادی داد بہ مردمان " راستنے ما ھم بلوچی ءَ ھدا ءَ "بگ" گْوش اِیں ، ھمے گالرد کہ گْوشت بلوچی بیت " بگ مزنیں اھورامزدا ، آئی ءَ آ آسمان دات ، آئی ءَ اِے بوم دات ،آئی ءَ مردم دات مردماں ، آئی ءَ شاتی دات مردماں.
رجانک : جاڑو بلوچ
کارمرز کنوکانی هیال