اسلامی شورجاہ ءِ ناھودگیں شوربندی ان ءُ

چہ میارجل ءِ بنجاھی ھالرسانی ءِ ھالانی رد ءَ ; دکٹر یارمحمد حسین بر ; اسلامی مزن شورجاہ ءِ ناھودگیں شوربندی ءُ "آموزش و پرورش" ءِ ناسیں رھبندان ءَ ٹوہ تریں نیمون پہ دربرینوکانی (معلمین) درکپک ءِ لوٹ ءُ ارزی چہ ھلاکہ ، ھاسکار چہ بلوچستان ءِ ھند ءُ دمگاں جار جت .

ھلاکہ ءِ "آموزش و پرورش" کارگس ءِ دیمروی کارمستری ، پولکاری ءُ رد ءُ بندی ءِ جھمنند ، ھند ءُ ھلاکہ دربروکانی کم بیگ ءِ بارو ءَ ملک ءِ امبرانی دربرگی مزن چکّاس ءِ ھاتر ءَ گپ کت ءُ گوَشت ; ھلاکہ ءِ تہ ءَ ، سراوان ، مھرستان ، سب ، سوران ءُ گلشن ءِ دمگانی دربروکانی گوستگیں سال ءِ چکاس ءِ سنگ ءُ شاھیم ءِ ھساب ءَ ۳/۵ "نمرہ" ءِ کچّ ءَ کمتر بوتگ . چمشکا ۱۴۰۲ ءُ ۱۴۰۳ ءِ وانگی سال ءِ مزن چکاس ءِ تہ ءَ ھلاکہ ءِ سوب مند بوتگیں دربروکانی شمار ایر آتکگ . 

مُلک ءِ آموزش و پرورش ءِ مزن کارگس ءِ مردمی کارندہ انی بنجل ءِ پیشی سروک ءُ کماش ءَ گوشت ; چہ مردمی کارندہ ، وانگی ءُ دربرگی ءُ دیمروی چیدگ ءُ ٹلّکانی ھساب ءَ ھلاکہ ءِ "آموزش و پرورش" ءِ جاورھال نا وش انت ءُ ۷۰۰۰ کلاس ءُ تبک ءِ کچّ ءَ ، گوں ھمینچوک گراکی ھزمت گری دربریںوکاں " معلمان خرید خدمات " کارمرز ءُ وانینگ بنت . 

ھمے مزن کارگس ءِ "اداری و برنامہ ریزی بنجل ءِ پیشی سروک ءُ کماش ءَ گوشت ; وانگی مراگشانی ھساب ءُ ھلاکہ ءِ دومی تبکانی ونڈ ، ماں ملک ءِ اے دگہ ھلاکہ انی سنگ ءُ شاھیم کنگ ءَ چہ سد ءِ سی بھر کمتر انت ءُ پہ گیش چہ ۱۴۰۰۰۰ پشت کپتگیں دربروکاں اے ھلاکہ ءَ گیشتریں دربرینوکی کارندہ ازگار انت .

سیستان ءُ بلوچستان " آموزش و پرورش" ءِ دیمروی کارمستری ، پولکاری ءُ مراگشی (توسعہ مدیریت ، پژوھس و برنامہ ریزی) پیشی بنجل ءِ جھمنند ءَ گوشت ; پہ نوکیں دربرجاھانی اڈ کنگ ءُ راہ پرّینگ ءَ ، ما را لھتے ٹوھیں کامگیج کتگ انت دانکہ وانگ ءُ دربرگ ءِ مراگشاں ھلاکہ ءِ تہ ءَ سرجم ءُ برجم بنت .

دکتر یارمحمد حسین بر ساھب ءَ گوشت پہ دربرینوکانی دو پیشی کارمرزی ءَ ، ماں آموزگاری بھر ءَ چہ ۲۸۰۰۰ دربرینوک ءِ کچّ ءَ ایوک ءَ ۹۰۰ نپر ءُ "دبیری" ءِ ۲۲۰۰۰ نپر ءِ کچ ءَ ۳۶۰ نپر ءِ ونڈ ءُ بھر داتگ اش کہ پہ اے ھلاکہ ءَ کمّیں کساسے انت .

ھالکار : سلمان کامیاب

رجانک : میرجلال