چھبار ءِ نانباھی انی بارو ءَ کولہ روی ءِ آپ چہ کجام نیمگ ءَ لرد انت؟

گیش چہ چھبار ءِ نیوگ بازار ءِ بنگپ ءَ کہ چنتے وھد پیسر ءَ اے بارو ءَ باوسٹ بوت ءُ مردمانی اے گپ کہ آھاں چھبار ءِ دمگ دار ءِ مزلگشانی رد ءُ بند دیوکیں جھمنند ءَ داں انی ءَ یک رندے اوں بازار ءِ تہ ءَ نہ دیتگ انت ، اے رند ءَ ما شھر ءِ نانباھی انی نیمگ ءَ شت ایں ، بلے اے پڑ ءَ ھم مھلوک چہ اگدہ دارانی ناھودگیں کرد ءَ گلّہ وار ات انت . مھلوک گوش انت دریگت ءَ نانبائی اں سرچار اں وت یک رندے ءَ نگن ءِ سرپانی کتار ءَ بہ اوشت انت دانکہ آھاں چہ وتی چم ءُ دید ءَ مردمانی سکّی ءُ سوری ءُ تکانسری ءَ بہ دیست ایں.