پھرہ دمگ ءَ بنزن ءِ آزاتیں نھاد ۱/۵ لیٹری ڈبّکے ۸۰۰۰۰ کلدار انت

چہ پھرہ دمگ ءِ تہ ءَ چے ھال انت ؟ کے چہ بنزن ءِ گرانی ءُ ھور تھوریں بازار ءَ نپ ءُ سیت کنت ، شھر ءِ کش ءُ گوَری دگ ءُ راھانی کِرّ ءَ بنزن پہ آزاتیں نھاد ءَ باز انت بلے اوشتجاھانی تہ ءَ نیست ءُ اگاں ودی اوں بہ بیت اود ءَ کیلومتری دراجیں سرپانی کتارءَ گندگ ءَ ایں . مئے چمّ ءُ دید ایں سوجانی رد ءَ ، پھرہ دمگ ءَ بنزن ءِ ھر ۱/۵ لیتری ڈبُّک ءِ نھاد ۸۰۰۰۰ تومن ءِ کچّ ءُ ھر ۲۰ لیتری ھم ۶۰۰۰۰۰ تومن ءَ بھا ءُ برید بیت . بنزن ءِ ڈلّاری چہ اوشتجاھانی تہ ءَ بنگیج بیت ءُ شھر ءِ تہ ءَ داں مکران ، آزادی ، سرباز ، فردوسی ءُ کارگر ءِ دگانی کشّ کِرّ ءَ میلہ انت . مردم پہ کمّوکے بنزن ءَ ھر نیمگ ءَ تچ ءُ تاچ ءَ تکانسر انت ءُ اے گرانی ءِ ھاتر ءَ ، دمگ ءِ ھچ زمہ وار ءِ گوشاں مورے ھم نہ وارت.