سیستان ءُ بلوچستان ءَ، 281 کیلومتر اسلی شھدگ ءِ دگ ءِ دیم درائی، راھانی وزیر ءُ گزُز ءِ ھمراھداری ءُ ساڑی بیگ ءَ گوں.

ھمدپ گوں راھانی وزیر ءُ گُزر ءَ سات ءُ سپر، چھبار ءِ دمگ ءَ، 281 کیلومتر ءِ شھدگ ءُ دگ گوں 26 ھزار ملیارد تومن ءِ بنمال ماں سیستان ءُ بلوچستان ھلاکہ ءَ دیم درائی بوت.

چہ میارجل ءِ بنجاھی ھالرسانی ءِ ھالانی رد ءَ; ملک ءَ راھانی وزیر ءُ گُزر ءِ سات ءُ سپر ءِ وھد ءَ سیستان ءُ بلوچستان ءُ چھبار ءِ نیمگ ءَ کساس 282 کیلومتر شھدگ ءُ راہ، گوں 26 ھزار ملیارد تومن بنمال ءِ ھرچ ءُ درچ دیمدرائی بوت. چہ اے سرجمیں دگ ءُ شھدگی کاروائیان ءِ دیمدرائی ءِ رد ءَ 134 کیلومتر ءِ کساس ھلاکہ ءِ زرباری دمگان ءُ 89 کیلومتر اوں ماں گوریچی ھندان ءُ 58 کیلومتر ھم گوریچی ءُ زرباری کریدور ءُ دالون ءُ تیاب دپی راھانی ھبیلی ءَ انت. انچوش اے سپر ءِ رد ءَ، بزّگ ءُ زبھریں مردمانی یک ھزار منندجاھی لوگاں کہ گوں دولت ءُ "بسیج سازندگی" کارگسان ءِ ھمراھداری ءَ گوں سرجم ءُ برجم بوتگ انت دیمدرائی بوت. اے لوگان ءِ بھر ءُ بانگی گامگیجاں چہ مروچی ءَ بندات بوت. پہ سیستان ءُ بلوچستان ءِ ھال ءُ سرھالانی ڈاہءُ سھی بیگ ءِ ھاتر ءَ میارجل ءِ رسانکدر ءَ رندگیری بہ کن ات. رجانکار: میرجلال.