توار ءُ بُت
رئیسی
2026-09-30 22:14
زمان مطالعه: 1 دقیقه
بازدید: 2
—
(0)
بنت ھند ءِ گسک کلگ ءَ مچکدگانی ٹوھیں آس گرگ، اے تپاک ءِ درگت ءَ 77 مچ ءُ مُک چہ آس ءِ جپ ءَ سوتک انت.
گوں گسک کلگ ءِ راج ءُ مھلوکان ءُ "آتش نشانی" کارندہ ھانی 3 اداریں کمک ءُ مدت ءُ جھد ءُ ساہ، گسک کلگ ءِ مچکدگ ءِ ٹوھیں آس ماں کپگی تپاک، بند کنگ بوت بلے بژن انت کہ اے ویل، کلگ ءِ کشار کنوکان ءَ ٹوھیں تاوانے چکّ ءَ دات.
چہ میارجل ءِ بنجاھی ھالرسانی ءِ ھالانی رد ءَ: بنت ھند ءِ گسک ءَ، آس گرگے ویلے اے کلگ ءِ مچکدگ ءَ ٹوھیں تاوانے چکّ ءَ دات. اے آسی ویل کہ 3 ادار ءِ کچ ءَ کشّ ءُ چیٹ وارت، گوں بنت ھند ءِ "آتش نشانی" کارندہ ھان ءُ دھیاری ءِرموٹل ءُ مکینہ ان ءُ مردمانی کمک ءُ مدت ءَ بںد کنگ بوت.
مئی ھالکار ءِ چم دیستیں گندگ ءِ رد ءَ چہ تپاک جاہ ءَ، بنت ءِ یک "آتش نشانی" ھاسیں موٹل ءُ گسک دھیاری ءِ یک "لودر" مکینہ اے پہ آس بند کنگ، تپاک جاہ ءَ شکسایک بوت انت . بژنی گپ اش انت کہ چہ اے آسی ویل ءِ ھاتر ءَ کساس 77 بر کنوکیں مک ءُ مچ آس ءِ تہ ءَ سوتک ءُرپُر بوت انت.
اے تپاک ءِ بازیں تاوانباری ءِ شیوار کنگ ءَ، چہ ھند ءُ دمگ ءِ زمہ واریں اگدہ داران ءُ دولتی کارکساں لوٹ ءُ دزبندی بیت کہ ھاسیں گھمارداری یے تاوان دیستگیں کشار دنوکانی بارو ءَ کارمرز بہ بیت.
ھالکار : امید درزاہ
رجانکار : میرجلال
کارمرز کنوکانی هیال