یک جھدکاریں بلوچ بانکے چہ راج ءِ بانکانی جزم ءُ کِرد اں ماں چاگرد ءِ تہ ءَ تران کنت

چہ میارجل ءِ بنجاھی ھالرسانی ءِ ھالانی رد ءَ ; بانک پاتما دانش چہ ھما بلوچیں زالبولان انت کہ گیش چہ وتی لوگبانکی ءُ ماتی زھگی ءِ زمہ ، آئی ءَ ڈن چہ وتی لوگ ءَ ، ماں زندمان ءِ تک ءُ پھنات ءَ لھتے دگہ ھاسیں ڈوبہ اوں وتی شیرزالیں کوپگانی سر ءَ زُرتگ انت .

 اے بانک ءَ گوشت کہ زالبولاں راجمان ءِ انگیں جاورھالانی تہ ءَ لھتے نوکیں ٹگل ءُ دگری انی بنزہ انت کہ انیگیں زندمان ءِ دور ءَ تپاک کپتگ انت ، زالبولانی زبھر کنگ چہ آھانی چاگردی اگدہ اں ، آھانی زند ءِ بارو ءَ یک ایراز ءُ جُستے زانگ بیت ءُ مردمانی ابرمی بستار ءِ ھلاپ ءَ انت .

بانک دانش ءَ کوشت ; مئے چاگرد ءِ تک ءُ پھنات ءَ ، زالبولانی کِرد ءِ کارپداں مدام پدّر انت پمیشکا اے گپ آھانی کارست ءِ سر ءَ نا منگی جیڑے نہ انت .

آئی ءَ گوشت کہ بلوچانی راجمان ءِ تہ ءَ بوھیریں زالبولاں کہ وت ءُ وتی کھول ءِ واک ءُ وس ءِ منوگری ءِ رد ءَ ، چاگرد ءِ تک ءُ پھناتانی تہ ءَ دیم ءَ جنزتگ انت ، چہ وتی نیکیں واھگانی منّارگ ءِ آسرال ءَ مدام وتی سوب ءِ مراد اں سر بوتگ انت .

اے بلوچ بانکیں جھدکار ، وتی گپانی رندگیری ءَ گوش ایت ; ھما ڈول کہ زالبولانی پکائیں مول ءُ مراداں توانتگ کہ آھانی سوبمندی ءِ الّمی ءَ دو کساس بہ کنت ، گڑا الّم انت چاگرد ءِ ایمنیں جاورھال ءُ راجمان ءِ اگدہ دارانی پلامرزی چہ چوشیں زالبولاں ھم ، اے دگہ بانکانی جزم ءَ پہ گیشتریں ڈوبہ انی زیرگ ءَ ماں وتی چاگرد ءِ تک ءُ پھناتاں اڈ ءُ گیش کنت .

اے بانک ھور گوں زالبولانی کارست ءِ مزن لیکگ ءَ چاگرد ءِ تہ ءَ گیش کت ; بلوچ راجمان ءِ شاھگانی ءِ تہ ءَ ، ماں وڑ وڑیں دور ءُ باریگاں زالبولاں مدام تھر پہ تھریں چاگردی ، سیاسی ، روبیدگی ءُ ازمی اُگدہ انی رد ءَ جلکشان ءُ براہ دار بوتگ انت . اے راہ ءَ لھتے زالبول چشکہ بانک بانڑی ءَ ، دلیری ءُ زمہ زیری ءِ ھساب ءَ ماں سیاست ءُ تک ءُ پھنات ءَ ، بانک مھتاپ نوروزی چہ ازمی ھساب ءَ کہ آئی ءِ چنگلانی کارپداں ، گُد ءُ پچّانی گل ءُ چیچل ءَ پدّر کنت ءُ داں روچ مروچ ءَ بیرانیں مھتاپ ءِ ازمانی کارست ، انگت ءَ زندگ انت . ( بلوچ بانکانی چیدگ ءُ ٹلک انت ) .

 بانک دانش وتی گپان ءِ گڈی بھر ءَ کوشت ; انیگیں دور ءُ باریگ ءَ ، بانک ھمیرا ریکی ءِ کارست ، ایرانی بلوچ راج ءِ تہ ءَ ، اولی سیاسی ربّال ءِ ھساب ءَ برونوئی ءِ درملک ءِ تہ ءَ ، ستاہ ءِ درور انت / رجانک : میرجلال .