ھلاکہ ءِ زرباری شھرانی راہ ءِ مزن کارگس ءِ سرپدی اں

چہ میارجل ءِ بنجاھی ھالرسانی ءِ ھالانی رد ءَ ; راھے کہ گِہ ءِ کلگ ءُ آپسران ءَ دیم پہ کنارک ءِ لھتے ھلک ءُ آباتی اں سر کنت ، گزان گوز ءُ پر چہ سنگ ءُ ڈوک انت ، گہ ءِ ھند ءُ دمگ ءِ نزوک ءُ احمداباد ءِ دوئیں کلگانی مردماں ، میارجل ءِ دیرگند ءِ دیم ءَ آتکگ ءُ چہ ملک ءِ اگدہ داران دزبندی کن ات کہ آھانی کلگانی نیامی راہ ءَ زوتان زوتی ءَ اڈ بہ کن انت . آھاں گوش انت کہ پیسر ءَ ما وتی بے راھی ءِ واہ ءُ زار ءَ ، راہ ءِ کارگس ءِ اگدہ دارانی سر ءَ سرکتگ انت بلے دنیگت ءَ مئے نالگاں کسّے ءَ پسو نہ داتگ ، آھاں چنتے سال انت کہ اے کلگانی نیامی راہ ءَ ناسرجم ءُ نیمہ تالی دروشمے ءَ وسّر ءَ یلو کتگ ءُ شتگ انت .

ھمے بنگپ ءِ سر ءَ میارجل ءِ شھری ھالکار ، گوں ھلاکہ ءِ زرباری شھرانی راہ ءِ مزن کارگس ءِ بنشون ءَ گپ ءُ رھوت کتگ ، شما اے واجہ ءِ تران ءُ سرپدی ءَ ھم اِشکُت کَن اِت / رجانک : میرجلال .