سرباز دمگ ءِ علمی کاربردی زانشت جاہ ءِ دربروکانی دربرگی مزاگش

زانت ءُ زانشت ، مردمانی یکے چہ اولیگیں مونڈی ءُ زلورتان انت . اے ھاجت ءِ گڈسری کچ ءُ کساس ، زانشت جاھانی وانگ ءِ ھلاس کنگ انت کہ ھرسال ءِ تہ ءَ لھتے مردم اے کار ءَ دربر انت . 

چہ میارجل ءِ بنجاھی ھالرسانی ءِ ھالانی رد ءَ ; پگر ءُ مارشت مردمانی یکے چہ اللہ ءِ داتگیں وس ءُ دادان ان انت ، پگر ءُ زانشت ھم اے داد ءِ دوئیں بانزل دیم پہ مردمانی بود ءُ برش (کمال) ءِ بل کنگ ءُ برانز انت . پگر ءُ ھیرت چاری ازم ءُ زانشت ءِ تل ءُ توکی پڑانی تہ ءَ پٹّ ءُ لوٹ کنوکیں مردمان ءَ نوکیں ساچشتانی سیمسری ھدّ اں سر کنت . سرباز دمگ ءِ شھرداری کارگس ءِ "علمی کاربردی" زانشت جاہ اے دمگ ءِ ایوکیں زانشتی بنجاہ انت کہ سال ۱۳۹۳ ءَ بندات بوتگ .

واجہ جواد کریمزائی سرباز ءِ "علمی کاربردی" زانشت جاہ ءِ سروک ءُ کارمستر ماں نند ءُ نیادے میارجل ءِ ھالکار ءَ گوں گوشت ; انیگیں وھد ءَ اے زانشت جاہ ءِ جاہ کریھی جاگھے ءُ ۳۰۰ دربروک ءِ کچّ ءَ اد ءَ وانگ ءُ دربرگ ءَ انت ءُ امبرانی دربرگی میلہ ءُ مراگاہ ءِ درگت ءَ ۶۰ جنین ءُ مردیں وتی وانگ ءَ دربرتگ .

اے واجہ ءَ گیش کت کہ اے زانشت جاہ ھند ءُ دمگ ءِ یکے چہ مونڈی ءُ زلورتان انت کہ اگاں مہ بوتیں بازیں کسے وتی وانگ ءُ دربرگ ءَ را یلو داتگ ات . واجہ کریمزائی اے نیاد ءِ درگت ءَ شریں موھے زانتگ ءُ زانشت جاہ ءِ نگیگیں جاورھال ءِ را درشان کت ءُ ملک ءِ زمہ وار ءُ اگدہ داران ءَ اے زانشتی بنجاہ ءِ دلگوش گور دیگ ءِ بارو ءَ لوٹ دات .

ھالکـار : عبیداللہ رئیسی

رجانک :میر جــــــــلال