کھیر ءِ ٹوھیں آپ بند ، مزنیں موہ ءُ گیگے پہ تلاوگی ماھیگانی کار ءُ بار ءِ دیمروی ماں ھلاکہ ءِ زرباری
چہ میارجلّ ءِ بنجاھی ھالرسانی ھالانی رد ءَ ; کنارک ءِ کھیر آپ بند ءَ گامگیجی کارانی جھگیر ماں گپ ءُ ترانے گوں میارجل ءِ ھالکار ءَ گوشت ; کھیر کور ءِ سر ڈگاری آپریچ ءِ شاھگانی ءِ کچّ ، ماں آپ بند ءِ ھند ءَ ۴۵۹۶ کیلومتر انت ، اے تک ءُ پھنات ءَ ھرسالیں گوارشتانی میانی کساس ۱۶۶ "میلی متر" ءُ آپ بند ءِ درکپگی آپانی ھر سال ءِ میانیں کچ ءِ ھساب ءَ ھم ۱۸۲ "ملیون متر مکعب " گیش ءُ گیوار بوتگ .
واجہ نریمان رضایی گوں اے گپ ءَ کہ پہ آپ بند ءِ اڈ کنگ ءَ داں انی گیش چہ ۷۰۵ ملیارد تومن ھرچ ءُ درچ بوتگ گوشت ; اڈکنگی ھساب ءُ کتابانی رد ءَ ، کھیر ءِ آپ بند چہ "بتنی غلطکی" ءُ CMD ءِ وڑ ءِ آپ بندان انت کہ پہ اولی رند ءَ ایران ءِ تہ ءَ ساچارگ بیت ، آپ بند ءِ ٹلّک ءِ بُرزی ۵۵ متر انت ءُ آئی ءِ اڈ کنگ ءِ گامگیج چہ سال ۱۳۹۹ ءَ بندات بوت ، اے واجہ وتی گپان ءِ رندگیری ءَ گوشت کہ "بتنی" آپ بند ءِ گوریچانی روچ دراتک ءِ نیمگ ءَ دگہ وساچیں ھاکی آپ بندے رینچہ ءِ نام ءَ گوں ۱۵۰۰ متر ءِ دراجی ءُ ۲۳ متر ءِ بُرزی ءَ چہ ۱۰۵ "ملیون متر مکعب" ھاک ءِ ڈبّگ ءُ کومبار کنگ ءَ ساچارگ ءُ اڈّ بوتگ .
کنارک ءِ کھیر آپ بند ءِ گامگیجی جھگیر ءَ گوشت ; آپ بند ءِ اڈ کنگ ءِ مول ءُ مراد ، چہ " وزارت نیرو" ءِ آپی گیش ءُ گیوار انی آھری کاگد ءُ اجازت نمدی ءِ رد ءَ ، چہ "وزیر نیرو" ءِ "آبفا" ءِ جھگیر ءِ شوربندی ءَ ، ۶۴۸۰۰۰۰۰ "متر مکعب" آپ ءِ گیش ءُ گیوار کنگ ءِ اجازت نمدی ءُ ۳۰۸ "ملیون متر مکعب" آپ ماں ھرسال ءَ پہ کھیر ءِ آپ بند ءِ آپریچ ءُ کلگانی مردمانی ورگی آپ ، ۲۵ "ملیون متر مکعب" پہ"صنعتی" کار ءُ باراں ، ۱۰ "ملیون متر مکعب" پہ کشت ءُ کشاری ءُ ۴۶ "ملیون متر مکعب" پہ "محیط زیست" ءِ کار ءُ بارانی ھاتر ءَ ماں آپ بند ءِ جھلی آپریچ مکسد ان انت .
ھالکـار : منصور کریمدادی
رجانک : میر جـــــلال
کارمرز کنوکانی هیال