سرباز ءِ دمگ ءَ مردمان ءُ سیاھیں ماراں ھوریں لوگانی نندوک انت

ھالرسانی ءِ ھالانی رد ءَ ; سرباز ءِ دمگ ءَ کہ گیشتر کوھستگی کلگ انت ھر روچ ءِ درگت ءَ انچوشیں نلوٹوکیں مھمانانی واسی دار انت کہ تو گوش ئے پہ مانگ ءُ جلّگ ءَ گوں لوگ ساھباں شریدار انت ءُ ھر وھد کہ آھانی دل کشّ ایت لوگانی تہ ءَ درکپ ءُ ماں کپ کن انت ءُ وت ءَ پیش دار انت . یک وڑ سیاھیں مارے گوں اسپیت ایں کشکانی چیدگ ءَ کہ مردمانی چمّ ءَ براہ دار انت بلے چہ دگہ نیمگے مردمانی ساہ ءُ جان ءِ بلاہ انت ، زھریلیں مارے کہ زرباری دمگان ءِ مردم آئی ءَ سیہ مار گوش انت . اے مار کہ کوھستگی ھندانی تہ ءَ زند گوازین ایت امبرانی گوستگیں سالانی ھلاپ ءَ چہ وتی ایمن ایں بندر ءُ جاھاں در کپتگ ءُ مردمانی لوگانی ھبیلی ءُ تہ ءَ ماں کپتگ ءِ تُرّ ایت . تامرھالے کہ شما دیمتر ءَ گِند ات اے سیہ مار ءَ پیش دار ایت کہ گوں امن ءُ ھُلّسی ءَ مدان مدان ءَ لوگانی کونڈ کونڈ ءَ چکّر ایت ءِ چہ لوگانی گسی بیگ ءَ ھچ بیم ءُ پروا نہ کنت . اے نوکیں شلگرہ ءِ بارو ءَ دلجمی گپ بس لھتے نوک کاریں مار گریں مردم انت کہ ھم وت ءَ چہ اے مار ءِ زھر ءُ ڈنگ ءَ رکینتگ ءُ ھم اے کہ ماران ءَ دسگر کن انت ءُ آھانی ابرم ءِ دامن ءَ واتر دے انت . اے مار یک ادار پیسر ءَ مینان ءِ ھند ءُ ڈنڈارک کلگ ءَ دسگر کنگ بوتگ .

ھالکـار : عبیداللہ رئیسی

رجانک : میر جــــــــلال