پہ اولی رند انت کہ بلوچستانی ھاجی اں ، چہ کنرک ءُ چھبار ءِ بالی پٹّ ءَ
چہ میارجل ءِ بنجاھی ھالرسانی ءِ ھالانی رد ءَ ; ۲۳۲ نپر بلوچستانی ھاجی کہ پہ ھجّ ءِ زیارت ءَھدوک انت ، چھبار ءُ پھرہ ءِ دوئیں شھرانی دو گلّ ءُ کاپلہ ءِ رد ءَ ، پہ اولی رند انت کہ چہ چھبار ءُ کنرک ءِ بالی پٹّ ءِ دیم پہ "وحی" ءِ سرڈگار ءَ شت انت .
واجہ عبدالگپور ھوت چھبار ءِ ھجّ ءِ سرکاپلہ ءِ کماش ءُ ، میارجل ءِ ھالکار ءِ یک گپ ءُ تزانے ءِ رد ءَ گوَشت ; چہ برجاھیں رندگیری انی ھساب ءَ ، ھاجیانی اولی گل ءُ کاپلہ ، پہ اولی رند ءَ چہ کنرک ءُ چھبار ءِ بالی پٹّ ءَ دیم پہ "وحی" ءِ سرڈگار ءَ روگ انت ءُ ما را امیت انت کہ دیمی سالاں ھم انچوش بہ بیت .
اے واجہ ءَ گیش کت کہ پیسری سالانی ھجّ ءِ درگت ءَ ، زرباری دمگانی ھاجی اں رند چہ ۶۰۰ کیلومتر راہ ءِ دوری ءُ لھتے گیشیں ھرچ ءُ درچ ءِ سَگَّگ ءَ دیم پہ ھجّ ءَ شتگ انت .
رجانک : میرجلال .
ھالکـار : منصور کریمدادی
کارمرز کنوکانی هیال