ھونی ھُمب ءُ ھزانگانی کُھت ءُ کمّی ، ماں بلوچستان ءَ

چہ میارجل ءِ بنجاھی ھالرسانی ءِ ھالانی رد ءَ ; ھون ‍ ءِ کارمرزی ءِ نیامیں زلورت ، ماں سیستان ءُ بلوچستان ءَ ، ۱۲۹۲۶ ءِ کچّ ءُ ھساب ءَ انت . چہ اے ھلاکہ ءِ ھاسیں جاورھالانی ھاتر ءَ چوشکہ ; مُلک ءِ کم ھونیں نادراھانی گیشتریں کَچّ ءُ کساس ، ٹپّیگ ءُ زَدَگانی بازیں شمار چہ موٹلانی زیادھیں ڈیکّہ ءُ لیٹ کنگ ، زنکّوئیں زالبولانی نادراھی ، "ھموفیلی" ءُ "دیاایزی" نادراھانی گیشی ، ھون ءِ کارمرزی ءِ زلورت اے ھلاکہ ءِ تہ ءَ باز انت ، پمیشکا اے ھند ءُ دمگانی مردمان ءَ ھونی وازمندگیں نادراھانی کمک ءُ ھون ءِ بکشگ زلورت انت . ماں سیستان ءُ بلوچستان ءَ ٹپّیگ ءُ زدگیں مردمانی شمار چہ موٹلی دگ ویلانی ھاتر ءَ ملک ءِ تہ ءَ گیشتریں کچّ انت . انیگیں وھد ءَ ، ھونی کارگس ءِ ٹوہ تریں جنجٹ وازمندیں نادراھانی ھاتر ءَ ھونی ھزانگانی کمّی انت . پیش چہ ھر سانگبدی ءَ ، مردمانی شور ءُ ھم سنتی پہ تالاسمی ءِ نادراھی ءَ دیمگیری کنگ ءَ ھژدری انت ، چمشکا ، انیگیں وھد ءِ ھونانی گیشتریں کچّے ھمے تالاسمی نادراھانی سر ءَ کارمرز بنت ءُ اشان ءَ مدام ھون ءِ زلورت انت ، پمیشکا پہ ھونی نادراھانی ھاتر ءَ ، چہ ھند ءُ ھلاکہ مردمان ھون بکشی ءِ برجاہ دارگ ءَ لوٹ ایں .

ھالکـار : صالحہ دادکانی

رجانک : میرجـــــلال