واجہ حمیداللہ سردارزھی یک چاگردی بامردے اَت + تامر
نمیرانیں حمیداللہ سردارزھی ، مُدام مردمانی کِرّ ءَ ات ءُ پہ مردمان ات ۔ آ واجہ ءِ رَیش ، جِھد ءُ ساہ پہ بلوچستان ءِ سِکین ءَ ات ءُ آئی ءِ یاتمان بلوچستان ءِ پِت ءِ پنام ءَ ات ۔
چہ میارجل بنجاھی ھالرسانی ءِ ھالانی رِد ءَ ; واجہ عبدالعزیز جھانگیری ، دشتیاری دمگ ءِ یکے چہ کَماشین مَردمان ماں نند ءُ نیادے گون میارجل ءِ ھالکار ءَ دَرّائینت کہ ھدامرزی حمیداللہ سردارزھی مدام جھد کنگ ءَ ات کہ چہ بلوچستان ءِ مردمانی زند ءِ شِلگِرَہ اں یک لوپ ءُ گِرھنے پچ بہ کَنت ، آ واجہ مُدام وت ءَ را مردمانی کَش ءُ کِرّ ءَ گندگ ءَ ات ءُ اے کار ، پہ آئی ءَ یک مَزَنیں پھرے ات ۔
جھانگیری ءَ گیش کت کہ من ، چہ وتی گوستگیں چُنت سالانی رِھوت ءُ پجّار ءِ کار پدان گوں واجہ سردارزھی ءَ ھمے زاناں کہ آ واجہ ءِ نام ءُ توار مُدام بلوچستانءِ مردمانی زبان ءِ سر ءَ اَت ۔ پہ آئی ءَ ، اے دِگِری نہ ات کہ کجام ٹکم ءُ زات ءِ تہ ءَ زند گُوازینگ ءَ انت ءُ گوں درستیں مردماں ، یک ھیل ءُ تَبے ءِ سر ءَ دیم کَپت / رجانک : میرجلال ۔
کارمرز کنوکانی هیال