بُنپور ءِ سرکاری ءُ دولتی ءِ نمونہ ایں دربرجاہ ءِ دَربَروکانی تکانسری چہ ھند ءُ دَمَگ ءِ زمہ وارانی

چہ میارجل بنجاھی ھالرسانی ءِ ھالانی رد ءَ ; اے روچاں ، ھند ءُ دمگ ءِ دامگی رسانکدران ءِ تہ ءَ ، ما ، بُنپور ءِ اموزش ءُ پرورش ءِ ھاسکاریں دلسوکانی دلسوکی ءُ تَھروز ءَ پہ اے دَمگ ءِ " دارالفنون " ءِ نمونہ این دَربَرجاہ ءِ دَربَروکانی مونج ءُ تکانسریءَ گِندگ ءُ گُوَھداریں کہ گوشگ ءَ انت اے دَربرجاہ ، پہ ھَلاکَہ ءِ زِرباری ھند ءُ دَمگان ءِ پَرھنگیان ءِ شَھدَربَرجاہ ءِ ھاتر ءَ گیشینگ بوتگ ءُ اے نمونہ ایں دَربَرجاہ ءِ دَربَروکان چہ اے بَکشوشگ ءِ آسرال ءَ رَند ، ھیران ءُ تَکانسَر انت ءُ اموزش ءُ پرورش ءِ کماش ءُ کارمستِر ھم اے بارو ءَ کَسِّے ءِ دیم ءَ پسو دیوک نہ انت ۔
پَرھنگیان ءِ پَردیس ءِ شَھدَربَرجاہ ءِ نام گِپت پہ بُنپور ءِ سَر ءَ ، ھور گوں اے دَمَگ ءِ زانتکار ءُ کَوّاسین مردمان ءِ کار بَندگ ءُ چلوپگ کاری ماں اے اَھدی ءُ کَدیمی ایں شھدربرجاہ ءِ تہ ءَ ، اے دَمَگ ءِ دیمروی ءُ بود ءُ بَرَش ءِ سَوَب بوت کَنت ءُ پہ اے مُلک ءَ شَرّیں مِستاگے انت ( بلے ) " دارالفنون " ءِ  نَمونہ ایں دَربَرجاہ کہ چہ سال 1376 ءَ اِد ءَ بِندات بوتگ ءُ بازیں دَربَروکانے چَہ سرباز ، دشتیاری ، پیشِن ، دَلگان ، واش ، بَزمان ءُ کِبلہ ایں بُنپور ءِ ھَند ءُ دَمَگاں کہ اے جاہ ءَ وَتی وانگ ءَ دَربُرتگ اِش ءُ َاَنگَت ءَ ھم دَربَرگ ءَ اَنت ۔ اے روچاں چوشیں جاوَرھالے ءَ گوں دیم پہ دیم انت ۔
نوں ما را زانگ لوٹ ایت کہ بُنپور ءِ آموزش ءُ پَروَرش ءِ زمَہ وارانی بے موچی ءُ چُپّ بَیَگ ءِ منانک چہ اے درھیں مُلکانی دَربَروکیں وَرناھانی ھَیرانی ءُ تَکانسری ءِ سَوَب چے انت ءُ دَربَروکانی آسرال کہ اے روچاں باید انت وتی جُھدان ءَ پہ  دَربَرگ ءِ مَزن چَکّاس ءِ اِھتِکاپ ءَ بہ گوازین انت انت چے انت / رجانک : میرجلال