نوکیں بازارے پہ پُلّان ءِ شھر ءِ مردماں ، گوں گَراز ءُ سامانانی ارزانیں نھاد ءَ

چہ میارجل ءِ بنجاھی ھالرسانی ءِ ھالانی رد ءَ ; پُلّان ءِ شھر ءَ ، ھستیں بازارے کہ اے روچاں ھند ءِ بازیں مردمانے اود ءَ آیگ ءَ گندگ بہ انت ، انچوشیں جاھے انت کہ مردم ، گوں یک چکّڑ ءُ ترّ ءُ گردے ماں اے بازار ءَ توان انت کہ وتی درھیں شَرّ ءُ ازگاریں گراز ءُ سامانان ءَ چہ شھر ءِ اے دگہ جاھاں پہ ارزانیں نھادے ءِ کَچّ ءُ کساس ءَ بہ زیر انت .

اے شَرّیں تُپاک ، چہ پلان ءِ شھر ءِ شورا ءُ شھرداری ءِ ھم سَنَّتی ءَ ، گوں اے ھند ءِ یک سیٹ ءُ ھستومندیں مردمے ءَ ٹھینگ بوتگ .

شَرّیں ھبر اش انت کہ اے شھر ءِ بازے چہ گونڈیں دکانانی ساھب ءُ واھوندان ءَ کہ ھمے شھر ءِ تہ ءَ ھست انت ، ھر ھپتگ ءِپیشنبے ءِ روچاں وتی گراز ءُ سامانان ءَ ھمے بازار ءَ کار انت ءُ پہ ارزانیں نھادے ءَ بھا کن انت . اے کار ءَ پہ آھان ءُ شھر ءِ مردماں ھوریں نَپ ءُ سیتے ھست ءُ انگیں جاورھالاں کہ چاگرد ءِ ( بزّگ ءُ واریں ) مردماں ، گراز ءُ سامانانی گرانی ءِ نھاداں چَکّ ءُ سر ءَ کپتگ ، پہ چوشیں مردمانی ھاتر ءَ یک ھستیں کار ءُ ڈنڈاھے بوت کنت . پمیشکا پہ بلوچستان ءِ درھیں شھردارں ، گھتریں کار ھمش انت کہ آھاں ھم انچوشیں کارے ءِ کنگ ءَ بھر بہ زیر انت ءُ پہ وت ءُ وتی شھر ءِ مردماں گرازانی ارزانی ءِ آسراتی ءَ بہ کَٹّ انت ءُ پہ ڈکانداراں اوں نوک ءُ ایمنیں جاھے ءَ گراازانی بھا ءُ برید ءِ ھاتر ءَ اڈ بہ کن انت . اے پڑ ءَ ، شَرّیں تپاک اش انت کہ چوشیں کارے ءَ گوں ، ڈلّارانی دست ءَ ھم چہ وتی مال ءُ ھستی ءِ جیگ ءَ سِند انت ءُ وتی جھد ءِ اے راہ ءَ ، سرکار ءَ ھم پہ گراز ءُ سامانی ارزان کنگ ءِ مول ءُ مراد ءَ کوپگ دے انت . / رجانک : میرجلال