میارجل ءِ گلگدار گوں بلوچ ءِ ربیدگ کاریں بانک ءَ / بلوچ بانک وتی ھاٹیگاں پِیش بہ دار اَنت دانکہ چاگر
بانک پریزاد سجادی ءَ اِے لیکہ ھست کہ بلوچ بانک وتی ھاٹیگ مندی ءُ تاکت ءَ ماں وڑ وڑیں پِڑ ءُ میدان ءَ ربیدگی ، مچانکی ، اِزمی کاراں بلکیں وتی سیاسی سِنچ ءُ بودناکیاں پَدّر کُت کن اَنت ، میارجل ءِ بلوچ بانکانی ھالکاری ءِ بنجاہ ءَ گوں آئی ءَ گلگدارے گپتگ کہ شمئے چم ءُ دیدگانی دیم ءَ گْوز اِیت ۔
چہ میارجل ءِ ھالرسانی بنجاہ ءِ ھالانی رِد ءَ بانک پریزاد سجادی گْوش اِیت : بلوچ بانک مدامی وڑ ءَ ءُ ماں راجدپتر ءَ پیش داشتگ کہ مردینانی کوپگ ماں کوپگ ءَ سرجمیں پڑ ءُ میداناں گام اِش زرتگ ءُ جھد اِش کُتگ اگاں مرچیگیں دور ءَ چمشانکے بہ دے اِیں دانکہ گند اِیں بازیں سوب مندیں بانکے توری سیاست بہ بیت یا دگہ پڑ ءُ میداناں ھست ءُ گِندگ بیگ اِنت ۔
آ کہ وت بلوچانی ھاٹیگ مندیں بانک ، پروانہ ریگی ءِ نماسگ انت ، تران کنان ءَ گْوشت ئِے : چو کہ بلوچ بانکاں مزنیں ھاٹیگ ءُ کدرت مندی یے ھست ، ھژدری اِنت کہ پیش ءَ گیش ماں مدیریتی ءِ وڑ وڑیں کار ءُ جاھاں پہ کارمستری ءَ کار گرگ ءُ زیرگ بہ بنت ۔
ماں دیم تر ءَ میارجل ءِ تامری گلگدار ءَ گوں اِے ھاٹیگ مندیں بلوچ بانک ءَ کہ وتی بَلُّک ءِ راہ ءِ روک اِنت شمئے دیدگانی ندر ئِے کن اِیں ۔
کارمرز کنوکانی هیال