توار ءُ بُت
رئیسی
2026-07-23 18:07
زمان مطالعه: 2 دقیقه
بازدید: 2
—
(0)
زھک ءَ، درزی ءُ سیچن دوچی کارجاہ ءِ راہ پرینی.
ھمدپ گوں بھزیستی ھپتگ ءِ نیمون ءَ، بلنوکانی درزی کاری ءُ سیچن دوچی کارجاھے، کھک کلگ ءِ زھک ھند ءَ گوں بے سروکیں لوگمانانی واکدار کنگ ءِ مول ءُ مراد ءَ دیم دزائی بوت.
چہ میارجل ءِ بنجاھی ھالرسانی ءِ ھالانی رد ءَ: واجہ روح اللہ جھان تیغ زھک ءِ دمگدار ءَ گوشت: اے کارجاہ ءَ گوں 250 ملیان تومن ءِ ھرچ ءُ درچ ءَ، دری کاری ءُ سیچن دوچی ءِ دوئیں بھرانی تہ ءَ راہ پرینگ ءُ پہ کساس 7 وت سروکیں لوگمانی بانوک ءَ تچکیں کار ءُ چلوپگ اڈ کرتگ.
آئی ءَ گوشت: بانوکانی ھاتر ءَ برجاھیں کار ءُرچلوپگ ءِ شوھازگ، ھاسکار پہ وت سروکیں لوگمانی بانوکاں، چہ اے دمگ ءِ اولسری کارمستری انت ءُ ھمے بارو ءِ دگہ لھتے مراگشانے اوں راہ پرینگی انت.
جھان تیغ ءَ گیش کت:: اے کارجاہ گوں دمگ ءِ بھزیستی کارگس ءِ بے سروکیں "ھمیار زنان" ءِ گل ءُ ٹولی ءِ جزم ءَ راہ پرینی بوتگ ءُ اد ءَ کار ءُ چلوپگ گلائیشیں بانوکاں گیش چہ ھرپیمیں گُد ءُ پوشاکانی دوچگ ءُ جریدگی ءُ بلوچی سیچن دوچی کارپدان ءُ دگہ لھتے سامان چوشکہ ایران ءِ اسلامی جمھوریت ءِ بیرک ءُ پرچم اوں اڈ ءُ پیم کنگ بیت.
اے واجہ گونڈین ءُ لوگی کار ءُ چلوپگانی پلامرزی ءُ زالبولانی اقتصادی وس ءُ واکانی بودناکی ءَ اے دمگ ءِ کارمستری ءَ وتی ٹوہ تریں چمشانک پہ آھانی کار ءُ چلوپگ ءِ دیمروی ءُ اقتصادی ھمراھداری انی مول ءُ مراد لیک ات.
پہ سیستان ءُ بلوچستان ءِ ھال ءُ سرھالانی ڈاہ ءُ سھی بیگ ءِ ھاتر ءَ میارجل رسانکدر ءَ رندگیری بہ کن ات.
رجانکار : میرجلال.
کارمرز کنوکانی هیال