میارجل ءِ ھال چہ بلوچستان ءِ تِیل جاھانی دْراجیں کَسمانک ءَ /کدی پہ اِے مردماں وش ءُ آسودگیانی روچ ٹ

چہ میارجل ءِ ھالرسانی بنجاہ ءِ ھالانی رد ءَ : کنرک ءُ چھبار ءُ بریس ءُ پسابندن ، بلوچستان ءِ زربار ءِ ھما شھر اَنت کہ وتیگ ءُ دری مردم پہ سیل ءُ سواد ءَ گِچین اِش کن اَنت پہ اِے ھاتر ءَ کہ بازیں تر ءُ تابی جاہ پہ گند ءُ گدار ءَ ھست اِنت اِش ،اِے سواد جاہ چہ دیر ءُ دراج ءَ بازیں مساپر وتی نیمگ ءَ چو چَکمک ءَ کشائین اَنت ۔
بلے چنت سالے بیت کہ تیل جاھانی دراجیں کتارانی جیڑگاں اِے آبریچ ءِ مردمانی زَنِچک گِپتگ ءُ ھمے وڑ ءَ مساپر ءُ سواد کنوک کہ چہ دیر ءُ دراج گوں وتی جند ءِ اولاکاں پہ اِے مسکیں آبند ءَ پیداگ اَنت پونز ءَ رس اِتگ اَنت
اِے کتارانی دراجی ءِ سوب ءَ لھتیں مردم جاھانی کمیءَ درانگاز اَنت ءُ لھتیں اگدہ دارانی گران جانی ءُ ٹَپّری ءُ چار ءُ بیچار نکنگ ءَ درشانگ اَنت بلے اگدہ دار چو "سر کن ءُ پرکن ءُ ھُپ کن ءُ ھِچ " ءَ ھبر ءَ چہ وتی سر ءَ دیر کنگ اَنت ۔

رجانک : جاڑو بلوچ