مُشکُک ءُ کُروس ءُ پوشّی + رجانک

روچے روزگارے بے تجربت ءُ کسانکیں مُشک چه کَلّ ءَ در آتک ءُ ڈگار ءِ نیمگ ءَ شت دانکه گند ءُ گدارے بکنت .
انچو که دیم ءَ روان ات وتی کِرّ ءُ کنکّ ءَ چاران ات کروسے دیست ئِے بلے داں اینچُکا کروس نه دیستگ اِت ئِے ، وتی دل ءَ گُشت ئِے :"اوو چونیں ترسناکیں ساهدارے ! مزنیں تاج ءُ تیزیں چُمب !" الم ترسناک انت باید زوت به تچاں ، گڑا مُشکک تتک ءُ شت .
 مُشکک چِه اد ءَ دیم تر ءَ که شُت گوں پوشی ءَ ڈیکّ ئِے وارت بلے پوشی هم هچبر نه دیستگ ات ئِے گوں وت گُشت ئِے :"واه اِے باز شونک ءُ زیبناکیں ساهدارے! شونکیں چم ءُ وش رنگیں دمب ئِے هست !
همے پیم ءَ کسانیں مشکک په پوشی ءَ نزیک بیان ات بلے آئی ءِ مات آتک ءُ زوت گوں وت برت ئِے .
کسانکیں مشک په وتی مات ءَ گشگ ءَ ات که راه ءَ چون ءُ چِه پیمیں ساهدار دیستگ ئِے بلے مات ءَ هبر چه آئی ءِ دپ ءَ گپت :" تو باید سک باز هیالداری به کن ئے ءُ هچ کسی سربُر ءَ مه چار ءُ بروسه مکن  آ ساهدار که تو دیستگ تئی هیال ءَ ترسناک اِنت کروسے بوتگ "
کروس ترسناکیں ساهدارے نه اِنت بلے دومی که تو دیستگ ات تئی دل ءَ شونک اِنت آ پوشی بوتگ ، پوشی مشکاں ور انت ءُ هچ وڑ ءَ آیانی نزیک مه بئت ."
کسانکیں مُشک سک باز وشهال بوت که آئی ءِ مات رس اتگ ءُ بَچّ اِینتگ ئِے ءُ پکّائیں شور ئِے کت که دگبرے هچ کسی سر بُر ءَ مه چار اِیت ءُ بروسه مکنت .

رجانک : میرجان میر