چھبار ءِ برگی ھور ءُ توریں واکجاہ ( نیروگاہ سیکل ترکیبی ) ءُ آئی تاوان باری پہ مُلکی مردماں / اے واکجا

چہ میارجل ءِ بنجاھی ھالرسانی ءِ ھالانی رد ءَ ; چھبار ءِ برگانی ھور ءُ توریں واکجاہ ءِ ٹھینگ ءِ مول ءُ مراد ، برگ ءُ بجلی ءِ گیش کنگ ءِ ھاتر ، پہ ڈیھ ءُ سرزمین ءُ دمگ ءَ بوتگ بلے داں انی ءَ گوں واکجاہ ءِ کارانی ھمے ناسرجمیں دروشم ءَ ، ھژدری انت کہ اے واکجاہ ءِ نپ ءُ سیت اں داں ھمے اڈ بوتگ ایں کساس ءَ پہ چھبار ءِ مردماں پدّر بوت ایں بلے گپ اش انت کہ داں انی ءَ بسّ ،  واکجاہ ءِ بلاھیں تاوان باری اں پہ مردماں زاھر بوتگ انت . یکّے چہ ھمے تاواناں لیپار ءِ نا اندیم بیگ انت چمیشکا  کہ برگانی واکجاہ ءِ ھمے ردیں جاہ درائی آئی ءِ سَوَب بوتگ ءُ مُلکی زمّہ واراں لاچار انت کہ اڈّ بوتگیں آبند ءَ کہ برگانی واکجاہ ءِ کش ءُ گور ءَ انت پاچ بہ کن انت دانکہ واکجاہ ءَ آپ چیر مہ تل ایت بلے چہ دگہ نیمگے اگاں چوش مہ کن انت ، آپ لیپار ءِ تہ ءَ ماں کپ ایت ءُ گوں ھر رندے کہ آبند ءِ آپ ءَ ،  لیپار ءِ نیمگ ءَ یلو کن انت آئی ءِ رنگ کمتر بیت انچوش کہ ترّ ءُ تاب کنوکیں مردماں امبرانی ھچ رد ءُ پدے چہ لیپار ءِ سُھریں رنگ ءَ نہ دیستگ انت .
البت برگانی واکجاہ ءِ تاوان ھمے یکیں نہ انت . ماں تاھاپیں چھبار ءِ دمگاں ، چہ آبند ءِ جہ بُنی وس ءُ واک ءَ بوت کت کہ پہ کِشت ءُ کِشاری ءُ وتساچی کار ءُ بارانی ردوم دیگ ءُ تاھاپیں کَلّگ ءُجیدانی ھاتر ءَ آپ ءِ شوھازگ ءَ سوب بہ گِر ایں ، بلے اے ھم نہ بوت ! پرچے ءَ ؟ چمیشکا کہ برگانی اے ھور ءُ توریں واکجاہ ءِ جاہ درائی اے تپاکانی سَوَب بوت . اے ھال ءُ تران ءِ رد ءَ میارجل ءَ گوں ھور ءُ ھمراہ بہ بئت / رجانک : میرجلال