موسم زانتی بنجاہ ءِ بیھار ، چھبار ءِ ھندانی ساوڑی Biparjoy ءِ توپان ءِ ھاتر ءَ

واجہ محمدرضا سالاری چھبار ءِ موسم زانتی کارگس ءِ کارمستر : " کرّ (خرداد) ماہ ءِ ۱۸ داں ۲۴ ءِ رمس ءَ ، ساوڑی توپان ءِ بند ورگ ءَ ماں مزن ساوڑ ءِ 14N ءُ 66E ءِ جاھان ، چہ چھبار ءَ 1300 کیلومتر دور تر ءَ ، مزن ساوڑ ءِ دلگاہ ءَ گمان بیت ، اے توپان ءِ زَد ءِ گوَز ، چہ موسم زانتی"نمونہ" ءُ درورانی ھساب ءَ ، دیم پہ گوریچ ءُ روچ نشتی گوریچانی بھران انت . واجہ سالاری ءِ گپانی رد ءَ ; کرّ (خرداد) ماہ ءِ ۱۸ داں ۲۴ می روچاں ، یک ساوڑی توپان ءِ بند ورگ ماں مزن ساوڑ ءِ 14N ءُ 66E ءِ جاھان ، چھبار ءِ تیاب دپانی 1300 کیلومتر دوری ءَ پیش داریت . چہ موسم زانتی "نمونہ" ءُ درور ءِ ھساب ءِ ، اے توپان ءِ زد ءِ گوَز گوریچی ءُ روچ نشتی گوریچانی بھران رَوَگ ءَ انت . ھند ءِ مزن ساوڑ ءُ ارب زر ءِ ھنداں ، ھورانی ترندیں رگام ءُ گرند ءُ گروک ، گوات ءِ ترندیں شیکگ گوں 150 داں 170 کیلومتر ءِ تیزی ءُ زر ءِ گرانیں ھینژگاں گمان بیت . شمبہ ءُ یکشمبہ ءِ روچاں اولسر ءَ ماں مکران ءِ زر ءِ روچ دراتکی نیمگاں ، برزیں چول ءُ گورم چست بنت ءُ تیاب دپانی ھند ءَ ، گورمانی برزی 2 داں 3 متر گیش بنت . چہ دوشمبہ ءِ روچ ءَ بگر داں چارشمبہ ءَ ، ماں تیاب دپی ھنداں گورم ءُ چولانی برزی 4 داں 6 متر ءُ گوات ءِ شیکگ ءِ تیزی اوں ، 40 داں 60 کیلومتر ءَ گیش بیت . ساوڑ ءِ دورسریں بھراں ، چولانی برزی ، 6 داں 8 متر ءُ گوات تیزی چہ 60 کیلومتر ءَ ھم گوز ایت . چہ سے شمبہ ، کرّ (خرداد) ماہ ءِ 23 می رمس ءَ رند ، تیاب دپانی دورسر ءَ ، جمبر ءُ ھورانی رگام ءُ گرند ءُ گروک ءِ گیش بیگ ءِ گمان انت / رجانک : میرجلال .