منی دلجمین ءُ اھمیں کار ھمیش اِنت کہ ماں پھرہ ءَ ادارہ کلاں بیاران ءُ جاہ منند بکن آں / سیستان ءُ بلو

میارجلءِ ھالرسانی بنجاہ ءِ ھالانی رِد ءَ : پھرہ ،دلگان ،بمپور ، پنوچ ، سرباز ءُ راسک ءُ بکش بنت ،لاشار ،ءُ آھوران ءِ مردمانی جھگیر ءَ ماں مجلس شورای اسلامی ءَ گُشت :من وتی گُڈی ترانی پاترپ ماں سے شمبے روچ ءَ 18 آبان ماہ ءَ ماں مجلس ءِ سَھن ءَ ونت ءُ زمہ دار ھُژاری دات اَنت کہ پہ مزنیں کارانی کنگ ءَ گوں استان ءِ زانتکار ءُ کواسیں مردماں شور سلاہ کنگ بہ بیت . 
آئی ءَ گوشت : مردم ھم پہ ھر دلجمیں کارے ءَ پہ استان ءِ باندات ءَ دلگوش گور بکن اَنت ءُ من ھم یک کسانیں بھرے چہ ھمے مردماں وتی زمہ زاناں کہ گوں مردماں ھمراھداری بکن آن ءُ آیانی توار ءَ پہ بُنجاھی کارکنوکانی گوش ءَ بہ رسین آں .
آئی ءَ دیمتر ءَ گُشت : منی دراھیں دلگوش ءُ کوشست ھمیش اِنت کہ ایرانشھر ءِ آپریچ ءِ ءُ استان ءِ مردمانی جنجالاں کم بکن آں پہ ھمے ھاتر ءَ چہ درستیں زانتکار ءُ کواسیں مردماں لوٹ آن ءُ آیاں داوت کن آں کہ پہ کسان ءُ مزنیں باوستاں کہ رندگیری کنگ لوٹ اَنت گوں من ءَ ءُ گوں استان ءِ اے دگہ جھگیراں ھمکاری ءُ ھمکوپگی بکن اَنت ۔

رجانک : ملا چمل