دشتیاری دمگ ءَ ریمدانی نودربرانی جان چہ دربرجاہ ءِ روگ ءُ آیگ ءِ اولاک ءُ اوزار ءِ نہ بیگ ءِ ھاتر ءَ

چہ میارجل ءِ بنجاھی ھالرسانی ھالانی رد ءَ ; سنگان کلگ ءِ یک میان تاکی نودربرے گوش ایت ; ما ریمدانی نودربراں پہ اے ھاتر ءَ کہ سنگان ءِ دربرجاہ ءَ بہ رو ایں ھمک روچ چہ ۶ ءَ داں ۹ می ادار ، ڈیزل بروکیں موٹلانی رھسر ءَ اوشت این داں بلکیں ما را گوں بہ بر انت ، برے برے ما را اینچوک ودار ءَ رند ھم اولاکے دست نہ کپ ابت ءُ پدا ھشک ءَ وتی لوگاں واتر کن ایں . ما را دربرگ ءِ باز ھُب انت دانکہ زندمان ءِ پڑ ءَ جاھے ءَ سر بہ بہ ایں بلے تو گُش ئے ھچ کس مئے تھتال ءَ نہ کپ ایت ءُ ما را پہ دربرجاہ ءِ برگ ءُ آرگ ءَ اولاک ءُ اوزارے ھم نہ دے انت . ھمک روچ ءَ ڈیزل بروکیں موٹلانی روگ ءَ گوں ما وتی مرک ءِ کلیمہ ءَ گوش این ءُ اے موٹلانی سر ءَ لک بہ ایں ، ما ، پہ وانگ ءُ دربرگ ءِ ھاتر ءَ وتی سر ءُ جان ءَ گوں سودا کنگ ءَ ایں . باریں (اگدہ داریں) مردمے مئے زاری ءُ پریاتاں اشکنت ءُ ما را گورّسی کنت / رجانک : میرجلال .