چمشانکے بلوچستان ءِ انیگیں جاورھال ءُ راجدپتر ءِ سر ءَ ، واجہ محمد نبی شہ بکش ءِ گپ ءُ تران ءِ رد ءَ
بلوچستان پہ دژمناں مانگ ءِ جاگھے نہ انت .
چہ میارجل ءِ بنجاھی ھالرسانی ءِ ھالانی رد ءَ ; ھاجی محمد نبی شہ بکش ، دزاپ دمگ ءِ یک بلوچ سروک ءُ کماشے ، ماں گپ ءُ ترانے گوں میارجل ءِ ھالکار ءِ ، چہ دُزّاپ ءِ ھونیگیں آدینگ ءِ تپاکانی کش ءُ گوری باوستاں بگر ، داں چمشانکے بلوچ راج ءِ پر ٹھلیں راجدپتر ءُ گوستاک ءِ بارو ءَ ، انچوش اے ھند ءُ دمگ ءِ انگیں سیاسی جاورھالانی سرّیچ ءُ پرّیچ ءُ بلوچ راج ءِ پھر ءُ تھلانی بارو ءَ تران کت .
اے واجہ وتی گپانی درشان ءِ یک بھرے ءَ گوشت ; بلوچ راج ، پرتگیزی ءُ انگریز ءِ پلنڈیں سامراج ءِ اُروش ءُ میڑ ءِ درگت ءَ پہ شَرّی ءَ پیش داشتگ کہ بلوچستان ءِ سرڈگار پہ وتی دژمنان ، نندگ ءُ مانگ ءِ امن ءُ امانیں جاگھے نہ انت .
میارجل ءِ ھالکار ءُ اے مزن نام ءُ تواریں راجی کماش ءُ مھتر ءِ تامرھالی گپ ءُ تران ءَ ھوری ءَ گِند ایں / رجانک : میرجلال .
کارمرز کنوکانی هیال