چھبار دمگ ءِ گشت ءُ گول ءِ درگت ءَ ، چہ اے شھر ءِ دمگ داری ءِ کوھنیں کوٹ ءُ ماڑی ءَ ھم گندوک بہ کن ات +
چھبار ءِ دمگ داری ءِ کوٹ ، اے شھر ءِ اولیگیں سرکاری ماڑی انت کہ کاجار ءِ دور ءُ باریگ ءَ بندگ بوتگ ءُ دنیگت ءَ مِکّ ءُ برجاہ انت . انیگیں درگتاں اوں مکران ءِ تیاپ دپانی بنجاہ اے کوھنیں کوٹ ءُ ماڑی ءَ مردمانی ترّ ءُ تابی مول ءُ مکسدانی ھاتر ءَ ساچ ءُ سلہ کنگ ءَ انت .
چہ میارجل ءِ بنجاھی ھالرسانی ءِ ھالانی رد ءَ ; چھبار ءِ دمگ داری ءِ کوٹ ءُ ماڑی کاجار ءِ سروھد ءَ اڈ کنگ بوتگ ، ھمے یکیں گپ پہ ما را دلمانگی ءِ نیمونے بوت دانکہ ما اے کوھنیں ماڑی ھاتر ءِ ھدوک بہ ایں ، اے کدیمی جاہ ءِ تل ءُ توکی بھراں پہ ترّ ءُ تابی گلّ ءُ ٹولی ءِ مردمانی سیل ءُ ندارک ءِ ھاتر ءَ کہ چھبار ءَ کاینت نوک ساچ بیگ ءَ انت . اے ماڑی ءُ آئی ءِ پژدر ءِ بارو ءَ ما چہ واجہ ادنان ھسینی ساھب ءَ کہ مکران تیاب دپی کارگس ءِ کماش ءُ کارمستر انت ءُ انیگ ءَ ھمے ماڑی ءِ یک کوٹی ءَ وتی کار ءُ بارانی بندر کتگ لھتے سر ءُ سوج کتگ . شَرّیں کپ اش انت کہ اے کوٹ ، ھمے زوتاں کوھن ءُ کدیمی بنجاھانی رد ءَ درپ کنگ بیت / رجانک : میرجلال .
کارمرز کنوکانی هیال