چھبار ءِ جھگیر ءِ ترندیں نگد چہ چینی مِیدانی آیگ ءَ ماں ایران ءِ زِرءَ ،مجلس ترال ءِ ماھی کُشی ءِ دی

میارجلءِ ھالرسانی بنجاہ ءِ ھالانی ردءَ:مئین الدین سئیدی چھبارءِ جھگیرءَ ،گڈی اھوال چہ ترال ءِ ماھی کُشی ءَ ماں دریا اُمان ءُ ھلیج پارس ءَ گُشت : اِیوکیں بوجیگے کہ ماں چھبار ءَ دریا اُمان ءَ پٹ پولی کار کنگ ءَ اِنت ءُ چہ ترال ءِ ماھی کُشی ءَ ھچے نیست اِنت ءُ ھمے بوجیگ ءَ مجوز ھم ھست اِنت .
مجلس ءِ کمیسیون کشاورزی ءِ باسک ءَ دیمتر ءَ گُشت :سیمسرانی ھاسیں کار ءِ باندات ءَ ماں شورای آلی امنیت ملی ءَ گُشگ بوتگ کہ لھتیں مجوز پہ چیزے گراباں پہ ترال ءِ ماھی کُشی ءَ دیگ بہ بیت بلے کار کنگ ءِ آیین نامگ ءَ کار ءِ ڈول ءُ داب گیش ءُ گیوار  کنگ بوتگ ،بلے اے وھدی  من گُش آں باید اِنت کہ اے شور ءُ سلاہ واجہ ھاوازی ھما وھد ءِ وزیر جھاد کشاورزی ءُ مجلس شورای اسلامیءَ پہ 2 سالیگیں ترال ءِ ماھی کُشی ءِ بند کنگ ءِ باواست ءَ دیم ءَ آرگ بہ بیت .بلّے کہ اے سال ءِ ھلاس بیگءَ گوں ھلاس بیت .

آئی ءَ گُشت : دلجمیں سند ھست اِنت کہ بازیں شرکت کہ ترال ءِ ماھی کُشی کارءَ کنگ ءَ اَنت ، آیانی بازیں بھرے چینیانی ئیگ اَنت بلے مجلس ءِ جھگیر اے موکل ءَ نہ دینت کہ ھلیج پارس ءُ دریا اُمان چینی شرکتانی اُرش ءِ آماچ بہ بنت داں کہ آ بیا اَنت ترال ءِ ماھی کُشی ءَ بکن اَنت . 

چھبار ءِ مردمانی جھگیرءَ ماں مجلس شورای اسلامی ءَ گُشت :چو کہ آمار اِنت گیش چہ 10 آپی گراب ءَ بزاں کیش ءِ کشتیرانی ءِ ءُ ......ھست اَنت کہ چینیاں 49 بھر اے شرکتانی گون اِنت ، دلجم ءَ چینی پہ اے دگہ ماھیگانی شکار ءَ ماں ھلیج پارس ءُ دریا اُمان ءَ نہ اَتکگ اَنت ، آیانی نیت ترال ءِ ماھی کُشی اِنت . ءُ ھنوں ھمے کار ءَ بزاں ترال ءِ ماھی کُشی ءَ نہ کنگ ءَ اَنت.

سئیدی ءَ گُشت : گوں ترال ءِ ماھی کُشی ءِ دیم ءِ دارگ ءَ چھبار ءِ ھند ءُ دمگ ءِ اے دگہ مِید ءُ ماھی کشانی نیمگ ءَ چہ یک بُنکی ھرکتے گندگ بیگ ءَ اِنت ، بلے ھمے امیت اِنت کہ دلجمیں شور ءُ سلاھے چہ مجلس ءُ کشاورزی وزیر ءِ نیمگ ءَ پہ دمگی مِیدانی مجوز ءِ دیگ ءَ ھرچی زوت تر کارے کنگ بہ بیت بلے اَنگت ھاسیں کارے گندگ نہ بیگ ءَ اِنت ۔

رجانک : ملا چمل