بلوچ جُھدکارانی رُمبے ءِ اَھمّیں بیانیہ سیستان ءُ بلوچستان ءِ بھر ءُ بانگ ءِ بگیری ءَ+نامانی لَڑ

میارجلّ ھالرسانی بُنجاہ ءِ گزارش ءِ رِد ءَ؛ یکے چہ استان ءِ جھگیرانی درشان ءِ پد ءَ ءُ چہ آئی ءِ نیمگ ءَ استان ءِ بھر ءُ بانگ ءِ چُنت بری جیڑہ ءِ پیش کنگ ءَ، ماں تھر تھریں دیواناں شور ءُ شار ءُ دیدانک ءُ لیکھانی چَولے چست بوتگ. پَرے بُنیاد ءَ رُمبے چہ سیاسی ءُ چاگردی جھدکار ءُ کنشگراں چہ وڑوڑیں پگری گروھاں زمّہ واری ءِ مارشت ءِ رو ءَ پہ استان ءِ آرامی ءُ شاھگان کاری ءُ پہ اود ءِ نشتگیں مردماں گوں اِے بیان ءِ دَزنام کنگ ءَ شھروندانی ھکّیں پریشانی ءُ درد کہ دیمتر ءَ ماں سْیاھگ ءَ کاینت ھمایانی سر ءَ زور پِر بہ دینت :
1- اَگاں چہ ماں مزن کشور ءَ، سرکار ءِ رویکرد مُچِّی ءِ گیشتریں سیتّ ءُ نپانی دست ءَ آرگ ءِ رِد ءَ  اِنت بلے گُڈّی سدی ءِ لھتے چہ سسّایاں، رویکرداں، سیاستاں ءُ رسمی مراگشاں گوں کِرّ ءُ کشی دمگ ءُ کشور ءِ راجانی  دیم پہ دیم بوگ ءَ بازیں واکنش، بدگمانی، گستائیانی گیش کنگ، ماں یک ھواریں زِندجاھے ءَ تپاکیں ھمزِندی ءِ راہ ءَ شنک جنَگ ءِ پیداگ بوگ ءِ سوَب جوڑ بوگ، گیشی ءُ بنیادگرائی ءُ بدگِندی ءِ پدّر بوگ پہ ھر پیمیں برنامگ ءُ مراگشاں کہ چہ سرکار ءِ نیمگ ءَ بنت. ماں اِے آسیبانی پیدائش ءِ سوَباں توانیں پہ " ھواریں پھربندی کہ ایرانیانی راجی پجّار ءَ بس ماں ایران ءِ راج ءِ یک بھرے ءِ دودمان ءُ باوراں گِند اَنت"، "سیستان ءِ سر ءَ زور پِر دیگ ءُ بلوچستان ءِ لھتے دودمانی، گْوستانکی ءُ سرزمینی بھرگانی سر ءَ دزمانجنی"، "بُنجاہ گرائیں، نابرابریں ءُ مزھبی ایدئولوژی ءِ بنیاد ءَ ھاکمی کنگ" ءُ... دگہ بازیں جیڑھانی نیمگ ءَ توانیں اشارہ بکنیں.

2- اِے ھلک ءُ ھنکین ءِ بھر ءُ بانگ ءِ تھلیں تجربہ ءُ کُتہ کاری، چہ نوک جوڑ بوتگیں ھمساھگیں مُلکاں بکشایگ ءِ دْروشم ءَ بہ بیت ءُ چہ گوں نزیکیں استان (ھراسان، ھرمزگان ءُ کرمان) ءَ دیگ ءِ رنگ ءَ بہ بیت، پہ جْوانی پیش داراِیت کہ ھر کجام چہ جتا بوتگیں بھراں نیزگار تر، زبھر تر، بے توار تر ءُ ماں مُلک ءُ یا ھما اُستان ءَ کہ ھوار کنگ بوتگ اَنت اود ءَ ماں بُنجاھی شَورکاریانی تہ ءَ کمتریں ساڑی بوگ ءُ دلگوشی ءَ دار اَنت ءُ اِے بھر ءُ بانگ ءِ برورد پہ جتا کنگ بوتگیں ھلک ءُ ھنکیناں اَبید چہ "درامدی" ءُ "دور مانگ" ءَ دگہ ھچ نہ اِنت ءُ اَنّوں گوں ھمے دست کپتگیں تجربہ ءَ پد ءَ گوں دگہ بھر ءُ بانگے ءَ تپاک کنگ نہ بیت.

3- بلوچستان ءِ بھر ءُ بانگ ءِ ھمرنگیں نکش، بژن اِنت کہ ماں اے گُڈّی سالاں سک باز جھد کنگ بوتگ تاں گوں رسانک کاری ءُ مکران ءِ نام ءِ شنگ ءُ تالان کنگ ءَ، بلوچستان ءِ گْوستانکی نام ءُ پَجّار کمرنگ ءُ ناموران بہ بیت. یکّے چہ جھگیراں کہ گوں بھر ءُ بانگ ءَ تپاک کنت آئی ءِ پدّریں گپ پہ بلوچستان ءِ نام ءِ دیر کنگ ءُ دَور دیگ ءَ ءُ بلےسیستان ءِ نام ءِ پھریزگ ءَ، پیش داراِیت کہ اِے برنامگ ءُ شَور گوں ھما شَوراں ھم پَتّ ءُ ھمراہ اِنت کہ شاھگان کاری ءِ گْوارچ ءِ پُشت ءَ لوٹ اَنت بلوچستان ءِ نام ءَ کور ءُ دور بکن اَنت.

4- یکّے دگہ چہ بگیری ءِ منّانکاں لھتے چہ سیاسی مردمانی یک نیمگی ءُ بدنیتیں درشان کرتگیں دیدانک اَنت کہ استان ءِ بھر ءُ بانگ ءَ تپاک اَنت کہ گوں وسّاچی، ردبزانتی ءُ دزمانجنی ماں گْوستانک، دودمانی ءُ پجّاری بھرگ ءُ بلوچستان ءِ سرزمین ءِ زبانی بھر ءُ بانگ ءَ لوٹ اَنت اُستان ءِ بھر ءُ بانگ ءِ برنامگ ءَ دیم ءَ بہ بر اَنت کہ بدگمانیانی سوَب جوڑ بوتگ کہ بگیری ءِ درشان ماں زانتکارانی مْیان ءَ ءُ مارشتی واکنش لس مردمانی تہ ءَ پیداگ ئِے کتگ کہ چوشیں گپّانی دیم ءَ آرگ ءِ آسر، سرکار ءُ راجانی مْیانجی ءَ گستائی ءِ کشک ءِ گیشتریں رندگ اِنت ءُ دگہ ھچ.

5- یکّے چہ اُستان ءِ بھر ءُ بانگ ءِ منّوکانی منّانکاں، ھر چے زوتّ تر ماں شاھگان کاری ءَ رسگ اِنت. اِے بیان ءِ دزنام کنوکانی وشمنّی اِنت کہ منّانک ءُ بازیں کُتہ کاری ماں چہ کشور ءِ تہ ءَ ءُ ڈَنّ ءَ وجود داراِیت کہ اِے منّانک ءَ پْروش اِیت ءُ پہ بیھی باور دار اَنت کہ شاھگان کاری ءَ جھلانکیں سْیادی یے گوں دود ءُ ربیدگ، دربرائینگ، اُستان ءِ چیرساچانی مُھر ءُ زورمند کنگ، مردمی درپینکانی شاھگان کاری، شھرزِندی ءُ ھاسیں بھرگانی درپینکانی شاھگان کاری، جْوانیں ھاکمی ءُ ماں مُلکی اَنداز ءَ چہ بُنجاہ گری ءَ دوری ءُ اُستاناں گچین ءُ واک دیگ ءُ... ءَ داراِیت ءُ اَلّم ءَ سیاسی یکّیانی بھر ءُ بانگ ءُ کستر بوگ تا وھدے کہ شاھگان کاری ءِ دیم ءَ بروکیں بستر ءَکرار مہ گراِیت پہ شاھگان کاری ءَ آسر نہ بیت.

6- باوریں ھست کہ ماں اُستان ءَ ھر رنگیں شاھگان کاری گزار ءُ کار ماں بیسہ ءُ تپاکی ءُ ھمدلی ءِ بستر ءَ دْروشم زور اِیت. ماں چوشیں جاوراں کہ گْوستانکی بدگـندی ءُ بدگمانی وجود داراِیت ءُ لھتے چہ رسمی ءُ در رسمی سیاست ءُ مراگشاں چوش کہ : مکران ءِ تیاب ءِ شاھگان کاری ءِ تْراز، ماں مکران ءِ تیاب ءِ پھنات ءَ مُچّی ءِ آرگ ءُ نندینگ، ڈنّی باپارانی ساڑی بوگ ءِ جیڑہ، اُستان ءِ سرچمگّانی بھرہ برداری ءِ وڑ ءُ پیم ءِ جیڑہ ءُ... ءَ  گُڈسری سالانی دْراجی ءَ اِے بدگمانی ءُ ردراھیانی آس گیشتر کتگ. استان ءِ بھر ءُ بانگ ءِ جیڑہ ءِ دیم ءَ آرگ ماں رنگ رنگیں راجی ءُ مزھبی اُستانے ءَ دگہ نوکیں ءُ بے آسریں  گستائی ءُ ناتپاکیانی جَڑ جوڑ بیت.

اِے رِد ءَ ھر چے کہ اِے بیان ءِ بندانی تہ ءَ آتکگ دزنام کنوک ھوار گوں استان ءِ بھر ءُ بانگ ءِ بگیری ءِ جیڑہ ءَ باور دار اَنت کہ :
- استان ءِ بھر ءُ بانگ ءِ بدل ءَ استان ءِ سرجمیں درپینک کار ءَ بہ لگّ اِیت دانکہ کلیں ادارھانی بُندر کنگ، استان ءِ راھانی شاھگان کاری ءِ دَرپینک، دامگ ءِ درپینکانی شاھگان کاری، تھی ءُ ڈَنِّی سرمایہ کاری چکّگ ءُ وتی نیمگ ءَ کشّگ، آپ ءِ اَھمّیں جیڑہ ءُ دگہ دَھانی جیڑہ ءُ مزنیں چالش ماں مالکاری ءُ دودمانی پِڑ ءَ چست کنگ بہ بنت.
- ھما چیز کہ پرے بیان ءِ دزنام کنوکانی باور ءَ پہ کشور ءَ سیتّ مند ءُ کارامد اِنت، شاھگان کاریں نگاہ راج ءِ یک یک مردم ءِ شھروندی ھکّانی بنیاد ءَ بید ء چہ سِتکی، سیاسی ءُ جُگراپیائی سیمبندی ءَ پہ کشور ءِ مزنیں ءُ ھواریں مول ءُ مراد ءُ سیتّانی رسگ ءَ اِنت.
پمیشکا چوشیں تْرازے  یا ھر ھمے رنگیں تْرازے گوں ھر دْروشم ءُ سرگالے ءَ کہ ڈَنّ چہ مول ءُ مراد، شاھگان کاریں بُنیاد ءُ راھبنداں ءُ گوں ناپدّریں ءُ پھمیانیں پیمے ءَ ءُ اَنچیں مردمانی دست ءَ کہ گوں گیشیں نگرش ءُ آشکاریں کینگ  ءَ پہ بلوچ راج ءَ رندگیری بہ بیت، نہ توان اِیت گوں اِے راج ءِ نیکیں نگاہ ءُ دل ءِ وشنودی ءَ ھمراہ بہ بیت.
- ھاکمیت ءِ دْرستیں مِنُک، شھر زندی ءِ راجمان، کشور ءِ اندیشمند ءُ سسّا ساچ کہ پہ شاھگان کاری، آسیدگی ءُ ھواریں ءُ تپاکیں زندمانے ماں اِے سرزمین ءَ سسّا کنگ ءَ اَنت لوٹیں کہ گوں راستیانی منّگ ءَ ءُ دگری ءُ باز رنگیانی شرپ دیگ ءَ، تپاکی آروکیں گپ ءُ تْرانے، آرامی ساچ، شاھگان کاریں ءُ سرجمیں پھناتے بہ جوڑین اَنت ءُ توان دار بکن اَنت دانکہ وسّاچیں گْوستانک جوڑ کنوکانی تْردّگ ءُ گیشی آروکانی پِڑ ماں اِے گْوستانکی پھنات ءَ بند کنگ بہ بیت.
لھتیں چہ استان سیستان ءُ بلوچستان ءِ سیاسی  جھدکار ءُ کنشگر کہ آیانی نام  اِے رنگ ءَ اَنت :

1- اَزیم شاہ بکش
2- پیر مھمد ملاّزھی
3- دادکریم باشندہ
4- یاسر کرد
5-یونس پاکزاد
6- سارا وشکوی
7- ابد اللہ آسکانی
8- امان اللہ تمندہ رو
9- ابدل وھاب ایران نژاد
10- اکبر رئیسی
11-سئیدہ ھاشی
12- مھمد سدّیک ابروپراھ
13-ابوبکر نرماشیری
14- ابدل رئوپ ایراندوست
15- مستپا دانشور
16- مھمد انور پناہ
17- یاسین بر پروشان
18- بھادر نادری
19- مھر داد برنایون
20- ابدل کریم رئیسی
21- مھمد ھسین بزرگزادہ
22- پرامرز بزرگزادہ
23- جمشید ھسن زھی
24- منوچھر پرنیان
25- ھالد باران زھی
26- مجیب الرھمان سالھی
27- ناسر ریگی
28_نزر مھمد کدھدائی
29- ابدل کادر بلیدی
30- مھمود سربازی
31- اسھاک رمشکی
32- سئید سئیدی
33- مولابکش امیری
34- مھمود کاوہ سرجو
35- ابدالسلام بلوچ زادہ
36- منوچھر بارکزھی
37- مهمد ھسین رئیسی (میران)
38- نور مھمد نادری
39-مھمود کاوہ سرجو
40- نسیر بارکزھی
41- رھمت اللہ سالھی
42- پرویز سارانی
43- ادھم آشیان
44- ھمید اللہ بارکزھی
45- ھبیب اللہ ملک
46- مھسن مرئی
47- مھمد امین ملک زادہ
48- انس آرامش
49- آیلین میر مراد زھی
50- مرتزا سنجرانی
51- جلیل بارکزھی
52- ابدل کادر براھوئی
53- ابد رھمان جھاندیدہ
54- ھوا ناروئی
55- مھمد اَلَم دادور
56- گلام مھمد الہ دادی
57- مھمود دانشور
58- ابد السلام بزرگ زادہ

رجانک : جنید بلوچ