بلوچانی لھتے سیاسی ءُ مدنی جھدکارانی نمدی پہ رئیس جمھور ءِ کومانی شونکار ءَ + ناماں

میارجلّ ءِ ھالرسانی بنجاہ ءِ هالانی رد ءَ : اے نمدی یے سرجمیں نبشتانک جھل ءَ نبشتگ۔
واجہ ماموستا ڈاکٹر ابدلسلام کریمی شرپمندیں رئیس جمھور ءِ شرپمندیں شونکار ماں کومان ءُ اگلیتانی بھر ءَ ۔
گوں دروت ءُ اِزّت
جتا چہ سیاسی کَش ءُ کشالان ءُ ایشی کہ تئیں واجہ ءُ ازتمندیں دولت چون جیڑ اِت ءُ کار کن اِت ، لھتے چہ کشور ءِ سنّیانی ھژدری ئیں پگر ءُ جیڑگ بلوچ ءِ کومیت ءُ سیستان ءُ بلوچستان ءِ استان اِنت کہ کمتر گُشگ بوتگ اَنت کہ ایشاں پہ رندگیری ءُ انئکاس ءَ دولت ءِ مچّی ءَ رسین ایں۔

1_آ چیز کہ ماں گوستگیں سد سال ءِ تھ ءَ کومی ءُ مزھبی اگلیت ئِے رنجینتگ ءُ گیشیں نارازی ءُ پریشانی ءِ سوب ماں آیانی توک ءَ بوتگ برابری کنوکیں چارگ اِنت کہ ماں رنگ رنگیں سیاست ءُ پریامانی ڈول ءِ پہ ایرانی چاگرد ءِ یکدست کنگ ءِ مول ءُ مراد ءِ نام ءَ وڑ وڑیں دروشم ءَ دیم ءَ آتکگ.
اے یک کنوکیں چارگ توری ربیدگی دروشم ءَ بہ بیت توری کومی ءُ مزھبی ، ایشی پہ ترّاھانی مراداں ماں ملّی ھمپتّی ءُ ملی پجّار ءَ ودّینگ ءَ مدت ئِے نہ کُرتگ کہ ھچّ ، بلکیں ھنوں توک ءِ رؤکیں نیرو ءُ بیگانگیں کشوران ءِ اے ھاٹی داتگ کہ چہ اے نارازی ءُ پہ ایران ءِ سیاسی ھاکمیت ءَ بدیں چمّ اِش بہ بیت۔
گڑا سک زلوری اِنت پہ اے چیزانی تاوان زانتی ءُ منّگ ءَ کہ پہ کومان ءُ اگلیتاں گوستگ ، دور چہ تارپان ءُ رواج گپتگیں کلیشھاں، ایرانی چاگرد ءِ سرجمین ءُ جتائیں پجّار ، اولی رِد ءِ مردم ءُ برابری ایران ءِ کانود ءُ رھبند ءِ دیم ءَ چہ کشور ءِ امکانات ءَ بوتگ تاں ربیدگی ءُ پجّاری سرجمیں ارزشت مزن لیکگ بہ بنت، تاں چُش بہ بیت کہ اے پگر ءُ چارگ ءِ بدلی زور ءُ ایمنی ءِ مانزمان بہ بیت ءُ دژمن نا امیت بہ بنت.

2_پہ بژن یا وشبھتی اے سیاسی ءُ ایدئولوژیکیں چارگانی دردناکیں آسر ماں مڈّی ءِ بھر کنگ ءُ کٹّی امکانات ماں کشور ءِ توکی آپریچان ایں دیست ءُ گندیں کہ توک ءِ لھتے جاگھ ءَ پزّور ءُ کرّ ءُ کش ءُ کوم نندیں آپریچاں لاگر کنگ پہ زندی ءُ چاگردی شاھیم ءِ بُرز ءُ جھل بوگ ءَ سر اِنت ، پہ وڑے کہ پہ درور اسپھان ءِ بارو ءَ ، اے انھسار ءُ مڈّی ءُ مچی ءِ دلگوشی پہ زند ءِ چکّاس ءُ ایمنی تاواناں بدل بوتگ . اے آپریچانی کتہ کاری ، زانت ءُ زانشتی منتگ(منطق) گُش ایت کہ دیمروی ءِ پجّار ، مڈّی ءِ بھر کنگ ، کشور ءِ ھاٹیگ ءُ امکانات گوں ھر کُج ءِ آپریچانی آمایش ءُ زرپیتان ءُ دور چہ انھسار ءُ تمرکز بہ بیت تاں چہ زندی برابری ءِ ٹگلگ ءَ دیمپانی بہ بیت ، 
ھنوں جُھلیں پریشانی یے ماں آپریچ ءَ وش بوتگ کہ پہ توکی آپریچانی رکینگ ءَ کرار اِنت گوں وڑ وڑیں ترھانی کنگ ءَ چہ کِرّ ءُ کشی آپریچانی زرپیت ءَ کارمرز بہ کن ایں پہ درور : ،،استانء سیستان ءُ بلوچستان ءِ بھر ءُ چانٹ کنگ ،، پدلیں پریامے ءِ نبوگ پہ چاگردی تاوانانی کم یاں گار کنگ ءَ چُش کہ ; ھاشیہ نندی ، مواد ءِ کاچاک ءُ آئی ھمگرنچیں تاوان چُش کہ ; پاھو بوتگینانی گیشی ءِ پریشانی،، ءُ ۔۔۔۔اِنت ، گڑا چہ تئیں واجہ ءَ کہ کوّہ مجریہ ءِ رئیس ءِ امانتدار ءُ دلجمیں مردم ماں کومان ءُ اگلیتانی ءِ بھر ءَ ئے امیت کن ایں، گوں استان ءِ نگیگیان ، دولت ءَ ماں استان ءِ نگیگی ءُ آیانی گار کنگ ءَ کمک ءُ مدت بہ کن اِت ۔

گڈسر ءَ 
واجہ ماموستا دکتر کریمی!

تئیں واجہ ءِ سپر ءَ کہ وت چہ کومان ءُ اگلیتانی جنس ءَ اِت ماں استان ء سیستان ءُ بلوچستان ءَ نیکیں پالے زان این ءُ امیت کن ایں کہ شمئے بوگ ماں کابینہ ءَ گوں انئکاسے ءِ گندگ ءَ کہ چہ کوم ءُ اگلیتانی جاور ءَ شمار بنت ، ھاکمیت ءَ اے چارگ ءِ بدل بوگ ءَ مدت کن اِت ، تاں بہ بیت ، گوں نوکیں دیدانک ءُ چارگاں مزنیں ایران ءِ برز برگ ءُ دیمروی ءَ مدت ءُ کمک بہ کن ایں

گوں گیشیں ازّت ءُ شرپ ءَ 

-ازیم شاہ بکش(سیستان ءُ بلوچستان ءِ شھدربرجاہ ءِ زانشتی ٹول ءِ باسک )
-ائید مھمد ناروئی (کارنندیں وانینوک)
- یاسر کرد(سیاسی ءُ مچانکی کارندہ)
-سارا وشکوی(سیاسی ءُ مچانکی کارندہ)
- اکبر رییسی ( ندکار ءُ مدنی کارندہ)
- مھمد سدیک دهواری( دود ءُ ربیدگی کارندہ)
- مستپا دانشور ( وانینوک ءُ مدنی کارندہ)
- پرویز سارانی ( سیاسی کارندہ)
-دادکریم باشنده ( دود ءُ ربیدگی ءُ مُچّانکی کارندہ)
-ابدالله آسکانی (سیاسی ءُ مُچّانکی کارندہ )
- امان الله تمنده رو ( شھدربرجاہ ءِ زانشتی ٹول ءِ باسک)
-یونس پاکزاد ( مچانکی ءُ ربیدگی کارندہ )
-مھمد سدیک ابروپراہ(  سیاسی ءُ مچانکی کارندہ )
-مھمد ھسین بزرگزاده ( مچانکی ءُ ربیدگی کارندہ)
-ابدلکریم رئیسی (آمید گس ءِ وکیل ءُ مچانکی کارندہ)
-ابوبکر نرماشیری ( وانینوک )
-ھمیدالله بارکزهی ( سیاسی کارندہ )

رجانک : آبؔد رھشون