ڈیزل کَش ایں موٹلانی دل سِندیں آس گِرَگ اں ماں چھبار ءُ کُنَرک ءِ راہ ءَ

چہ میارجل ءِ بنجاھی ھالرسانی ءِ ھالانی رد ءَ ; ھر سال ءِ دراجی ءَ کِساس یک ھزار مردمانی شیرکنیں جاناں ، بلوچستان ءِ تَنک ُ تامور ءُ ناسرجمیں راھانی تہ ءَ بیران بنت ءُ اے کَچّ ءِ چُنت سر ءِ مردماں زَدَگ ءُ ٹَپّی ءُ آھانی دست ءُ پاداں پروشگ ءُ نُکس ءُ تاوان ءِ آماچ بنت چُشکہ وتی آ دگہ مَنتَگیں اُمبر ءَ ، لوگانی گَندل ءُ نُپادانی مَیار بنت بلے اے پڑ ءَ پہ راھانی ساچکاری ءُ دو گُوَر کَنَگ ءِ بارو ءَ ، دنینگت ءَ ھِچّ زمہ وارے ءِ گوش ءَ مورے ھم نہ وارتگ .

چھبار ءِ سر بوتگیں راہ ءُ دگان ، کہ چہ کُنَرَک ، زرّاباد ، گِہ ، سرباز ، پھرہ ، بَم ءُ دُزّاپ ءِ دمگاں دیم پہ اے بَندِن ءَ بندات بنت ، ۲۰۰۰ کیلومٹر ءِ کَچّ ءُ کِساس ءِ دراجی ءَ آھان ءَ ساچگ ءُ اڈ کَنَگ ءِ ھژدری انت دانکہ چِدہ گیشتر مردمانی جان تباھی ءُ زند ءِ بربادی ءِ گِندوک مہ بہ ایں .

۲ گُوَریں راھانی اَڈ ءُ پَیم کَنَگ بلوچستان ءِ یک بُنَکّی زلورتے انت ءُ مُلک ءَ را اے ھاتر ءَ راہ ءُ شھر سازی " کارگس ءِ زمہ وارانی جَزم ءُ ھمت ءَ اَزگاری انت . 

مردم داں کَدیں وتی دلبندیں وتیگانی سُچَگ ، آس ءُ جپانی تہ ءَ کَپَگ ءُ آھانی ھَڈان ءِ پروشت ءُ پروش ءَ بہ سَگّ انت ءُ راھانی تُپاکانی سیل ءَ بہ نند انت ءُ بہ چار انت

رجانک : میرجلال