یک مراگشے ءِ رد ءَ دلگان ءِ دمگ ءَ اولی ھوش ءُ ساریں کلگ ءِ کلینٹ ، ڈگار ءَ چنگ بوت

چہ میارجل ءِ بنجاھی ھالرسانی ءِ ھالانی رد ءَ محمد کرمی سیستان ءُ بلوچستان ءِ ھلاکہ دار یک مراگشے ءِ رد ءَ ھند ءُ ھلاکہ ءِ اولی ھوش ءُ ساریں کلگ ماں چاھشور ، چہ دلگان ءِ دمگ ءِ کلگاں ڈگار ءَ جنگ بوت .

گوشگی انت کہ کلگانی ھوش ءُ سار کنگی مراگش پہ اولی رند ءَ ماں سیستان ءُ بلوچستان ءِ ھلاکہ ءَ پہ دہ ءُ کلگانی آباتی ءُ مردمانی مالی وس ءُ ھاٹیگ ءِ ردوم ءُ گیش کنگ ءِ مول ءُ مکسداں ماں چاھشور ءُ تھلاپ ءِ کلگاں کہ دلگان ءُ میرجاوہ دمگانی آپسر انت وتی کار ءَ بندات کتگ . 

اے مراگشانی مول ءُ مراد کلگانی تہ ءَ مردمانی زندمان ءِ مالی ءُ روزگاری وڑ ءُ دابانی بود دیگ انت ، آھان ءَ بازیں آپ ءُ ڈگار دیگ بیت ءُ ماں کِشت ءُ کِشاری ، مالداری ءُ دگہ لھتے کار ءُ باراں گوں ھمراھی ءُ تپاکی ( تعاونی ) ءِ بنجاھانی ٹھینگ ءَ وتی کٹ ءُ باشد ءِ نھاد ءُ کیمتانی بود آرگ ءَ جھد بہ کن انت . 

ھلاکہ ءِ بنیاد مسکن ءِ کارگس اے کار ءُ بارانی زمہ ءَ ، ھادی تھرانی رد ءُ بند ءَ ماں ھلاکہ ءِ تک ءُ پھنات ءَ وتی کوپگاں زُ رتگ . 

رجانک : میر جـــــلال