سئیدی چھبار ءِ جھگیر : ھلاکہ ءِ مردمانی رھوت ءُ ھوری گوں رھبر ءَ کاھمیں سادے ءِ بندوک انت

چہ میارجل ءِ بنجاھی ھالرسانی ءِ ھالانی رد ءَ ; مئین الدیں سئیدی چھبار ءِ جھگیر ءَ گوشت ; مردمانی گندُک چہ رھبر ءَ پدر کنت کہ "امت ءُ امام" ءِ رھوت ءُ ھوری کاھمیں سادے ءِ بندوک انت ءُ اجازت نہ دے انت کہ ڈنّیگاں چہ اے مشکل ءُ وتیگی گِلّہ گواھی اں سوبے بہ کَٹّ ایت .

واجہ سئیدی وتی گپ رندگیری ءَ گوشت ; رھبر چہ اے ھاتر ءَ کہ اے ھلاکہ ءِ تہ ءَ بوتگ ءُ مردمانی نیام ءَ زند گوازینتگ اے مردمان ءَ شَرّی ءِ سر ءَ زانت چمشکا ھلاکہ ءِ مردمان ءَ گوں انچوشیں پجارے زانتگ کہ دنیگت ءَ دگہ کس ءَ چوشیں زانگ نہ بوتگ .

اے واجہ ءَ گیش کت کہ رھبر ءِ جھگیران ءِ سپر ءِ درگت ءَ رھبر ءِ کلو ءَ پہ ھلاکہ ءِ گوستگیں سال ءِ تپاکاں ، سر کنگ بوت ءُ پدّر ات کہ رھبر ءِ دل چہ اے تپاکاں آزُرتگ کہ ھلاکہ مردمانی بارو ءَ ٹوھیں گیشی ئے بوتگ .

سئیدی گوں اے گپ ءِ درشان ءَ کہ گوستگیں سال ءِ تپاکاں ھلاکہ ءِ دیمروی ءِ کار ءُ باران ءَ اوشت ءِ آماچ کتگ گوشت بژن انت کہ آ سپر ءِ شور ءُ کرارانی بارو ءَ کہ پہ دزاپ ءِ شھیدانی لوگمان ءِ دل تسلائی ءَ برجم بوتگ ات انت انگت ءَ برجاہ نہ بوتگ انت ، چمشکا رھبر ءُ ھلاکہ ءِ مردمانی گندُک چوشیں جاورھالے ءِ تہ ءَ توانت کہ مردمانی سکین ءِ سَوَب بہ بیت .

سئیدی اے گپ ءِ سر ءَ زور دات کہ رھبر ءِ رھشونی ءُ مردمانی دل تسلائی توانت کہ پیش آتکگیں ترَک ءُ دو چونڈی ءِ گیش بیگ ءِ دیم ءَ بہ گیپت ءُ آئی ءَ پدا پَچّ ءُ پیناسک بہ کنت . رھبر ءَ الّم پہ اے مشکل ءِ بارو ءَ الکاپیں پنت ءُ سوجانے ملک ءِ اگدہ داران ءَ دنت دانکہ دولت ءُ سرکار پہ اے ھاتر ءَ شَرّیں توجیلے بہ کن انت .

سئیدی ءَ گوشت ; ھلاکہ ءِ درھیں جھگیراں ماں اے گند ءُ گزار ءَ ھور انت ءُ سیستان ءُ بلوچستان ءِ مردمانی ٹوہ تریں لوٹ ءُ ارزی ، اے تپاکانی چیریں پیش کنوکانی آمیدگسی مھاکمہ" انت .