سیستان ءُ بلوچستان ءِ اِلمی ءُ زانشتی بُنجاہ ، مُلک ءِ تہ ءَ ٹوہ تریں بُنجاہ جار جَنَگ بوت .
چہ میارجل ءِ بنجاھی ھالرسانی ءِ ھالانی رد ءَ ; " پہ " اکو سیسٹم " ءُ نوک آروکی ءِ مول ءُ مَکسَد ءَ ، یک بُنجاھے ماں بلوچستان ءِ شھدربرجاہ ءَ اڈ کنگ بوتگ . " اکو سسٹم " ءِ اے بنجاہ ، وتی مول ءُ مراد ءَ نوک آروکی ءُ اِلمی ءُ زانشتی ءِ کَٹّ ءُ کارستان ءَ پہ نوکیں زانشتی بُنپد " دانش بنیان " ءِ گونابے ءِ بَدَل کنگ ءُ مٹّائینگ ءِ ھاتر ءَ کہ پہ مُلک ءَ ھاجت ءُ ازگاری ءِ زلورت انت ، چہ وتی زمہ ءُ اگدہ اں زانتگ . اے بنجاہ ۳ بھر ءِ رد ءَ بزاں ، کار اڈ کنوکی ، بَرَش ءُ بودناکی ءُ زانشتی بُنپد ءِ شرکت ءُ کارگساں ، برجم بوتگ .
واجہ ھژیر میرلاشاری اے بنجاہ ءِ کاری ءُ بیاپاری بھران ءِ سروک ، ماں نند ءُ نیادے گوں میارجل ءِ ھالکار ءَ دَرّائینت : گیش چہ ۳۰ شرکت ءُ کارجاہ ، اے اِلمی ءُ زانشتی بنجاہ ءَ تہ ءَ ھور ءُ ھوار انت ، اے شرکت ءُ کارگسان ءَ دپتر ءُ کار ءِ جاگہ دیگ بیت ، آھانی نوکیں دیدانکاں اِشکنگ ءُ مزن لیکگ بنت ءُ ای بنجاہ ءِ درھیں واک ءُ وس ءُ ھاسیں آزمائشت جاھاں پہ آھاں تیار انت ھمے ھاتر ءَ انت کہ اے بنجاہ مُلک ءِ گَھتر ایں اِلمی ءُ زانشتی بنجاہ زانگ بوتگ / رجانک میرجلال
کارمرز کنوکانی هیال