سیہ مار ، اوگانیں زھگانی مدامی ساہ گر ءِ بارو ءَ گپّ ءُ باوستے
چہ میارجل ءِ بنجاھی ھالرسانی ءِ ھالانی رد ءَ ; گوستگیں ھپتگ ءِ روچاں ۳ اوگانیں گونڈو چہ یک سیہ مارے ءِ نیمگ ءَ ڈنگی ءُ بیران بوت انت . سیہ مار مارانی یک ھترمالیں وڑ ءِ مارے کہ بلوچستان ءِ زریاری ھندان ھاسکار سرباز کوھانی توک ءَ زند گوازین ایت ، یک کارزانتے ءِ گشتانکانی رد ءِ ایران ءِ ھاک ءَ "افعی" جرات ءِ مارانی ۱۴ ءُ "کبرا" جرات ءِ مارانی ۳ وڑ ، زمین ءِ سر ءَ تک ءُ پرک انت . "کبرا" جرات ءِ "کفچہ" ءِ وڑ ، ملک ءِ گوریچ ءُ روچ دراتکی گوریچانی ھند ان ءُ "سیاھیں کبرا" ماں زاگرُس ءِ زرباری کوھستگانی نیمگ ءَ تک ءُ پرک انت ، مارانی اے جراتاں زھریگیں مار انت . سیہ مار "کبرا" جرات ءِ مارانی دگہ سَکّ ایں زھریگیں وڑے کہ ڈنگ جنگ ءِ وھد ءَ مردمانی ھون ءِ رگان ءَ کُنٹ کنت ءُ جان ءِ ھون ءَ اوشتارین ایت . گوش انت کہ سیہ مار ءِ پازھر دنیگت ءَ ایران ءِ ملک ءَ نیست . پمیشکا ملک ءِ "علوم پزشکی" اگدہ دار ءُ کارندہ ان ءَ اے پازھر ءِ شوھازگ لوٹ ایت . رجانک : میر جـــــلال
کارمرز کنوکانی هیال