سرباز ءُ راسک ءِ دمگانی پد مہ مدیں مرک ءُ بیرانی ، چہ دیزل بروکیں ڈلیورانی تیز تاچی ءِ ھاتر ءَ

چہ میارجل ءِ بنجاھی ھالرسانی ءِ ھالانی رد ءَ ; الکاپیں کار ءُ چلوپگانی کھت ءُ نہ بیگ کہ دروگیں ڈنڈاھاں چوشکہ ڈیزل بروکی ءِ نیمون انت انیگیں روچاں سرباز ءُ راسک ءِ دمگانی نندوکیں مردمانی پد مہ پدیں مرک ءُ بیرانی ءِ سوب بوتگ .

ڈیزل بروکاں یا بلوچستان ءِ لس مردم ءِ بازیں کچّے چہ مالی بے روزگاری ءِ ھاتر ءَ پہ وتی لوگمانانی لاپی والینگ ءُ رکّینگ ءَ ، لاچاری ءِ سر ءَ ھمے ڈیزل بروکی چلوپگ ءَ دست گپتگ . 

اے ڈیزل بروکیں موٹلاں مرچاں چوشکہ ترکّوک ءُ تچوکیں بَمبے ءِ داب ءَ سرباز ءِ تنک ءُ پُر پیچ ءُ تابیں دگ ءُ راہ ءِ سر ءَ تچان انت . بَمبے کہ وتی ترکّگ ءِ وھد ءَ ، پہ مردماں دردانی تورشت ءُ پہ سرکار ءَ ، بدیں نامی کار ایت .

اے پڑ ءَ گَنتریں کارپد ، اش انت کہ ھند ءِ دگ ءُ راھاں انچوشیں نا کتہ کاریں ورناھانی بورتاچی ءِ پَٹّ ءُ میدان بوتگ انت کہ آھاں ایوک ءَ موٹلانی "گاز" ءِ سر ءَ ، وتی پاد ءِ پرنچگ ءَ سرپد انت .

اے جنجٹ ءِ سیاھیں دیت ، ھند ءُ دمگانی بزگیں مردمانی چمّاں رَوَگ ءَ انت .

جھل ءِ تامرھال ءِ رد ءَ ، ما مردمانی مونج ءُ پریشانی ءَ چہ دیمی مھرجان ماہ ءِ آیگ ءُ دربرجاھانی بنداتی ءَ درشان کن ایں.