سوبمندیں گام ءُ رھیجے پہ مزن چکاس دیوکیں دربروکان ءِ مونجاتی ءِ اَسرِہ بیگ + تامر

چہ میارجل بنجاھی ھالرسانی ءِ ھالانی رد ءَ ; پھرہ ءِ آموزس پرورش ءِ کارگس ءُ مکران ءِ روبیدگی مارشتانی مچّی ءِ پلو گراں ، گوں یکادگر ءِ رَھِش ءُ ھمراھداری ءَ پہ پھرہ ای دربروکاں ءِ سرپدی دیگ ءُ آھانی وانگیان ءِ بنگپ گچینی ءِ ھاتر ءَ ، مزن چکاس ءِ سروھداں ، ۵ روچیں مُپتیں ھمشوری ءِ بنجاھے برجم داشتگ . 
واجہ دانش داداللہ زھی ، مزن چکاس ءِ مشورت دیوک ءُ اے بنجاہ ءِ امباسکے ءَ ، اے بارو ءَ ، چہ دربروکان ءُ آھانی لوگمان ءِ مردمانی مونجاتی ءَ ، پہ " فرھنگیان " شھدربرجاہ ءِ امبرانی بھر ءُ ونڈ ءِ کمّی ءِ ھاتر ءَ گپ جت ءُ چہ مُلکی زمہ واران ءُ دربرجاھانی مزن کارمستر اں ، پہ اے جنجٹ ءِ توجیلے ءِ درگیجگ ءَ ، اشتاپیں رندگیری ءِ لوٹوک بوت .
دربروکانی وانگ ءِ بنگپ گچینی ءِ وڑ ءُ پیم ءِ گیشتریں سرپدی ءِ دست آرگ ءِ ھاتر ءَ ، میارجل ءِ ھالکار ، اے گلّ ءِ بنجاہ ءَ سرے کشّ اتگ . مئے گوم ءَ ھور ءُ ھمراہ بِہ بَہ ات / رجانک : میرجلال .