سارا وشکوی: بلوچی زبان باید رسمی زبان ءِ کش ءَ چہ کسانی ءَ وانینگ بہ بیت+تامر

چہ میارجل ءِ ھالرسانی بنجاہ ءِ نیمگ ءَ : بانک سارا وشکوی کہ استان سیستان ءُ بلوچستان ءِ گَلّ گِسانی(رئیس خانہ احزاب) سرمستر اِنت کہ ماں میارجل ءِ بلوچی تندجاہ ءِ بنداتی مراگش ءَ درائینت ئِے : ھرچنت کہ میارجل ءِ ھالرسانی بنجاہ ماں یک گامگیجے ءَ جوانیں کارے کہ ایران ءِ یک ھژدری ئیں زبان ءَ گوں بزانکہ بلوچی ءَ جوڑ کنگ بوتگ بلے سک باز دلگوش دیگ لوٹ اِیت کہ بُندر ءَ یک رسانکدرے ءِ سیاھگ ءُ لیک وڑ ءَ چون نبیس اِیت آ نبیسگی چیز "زبان" اِنت کہ پہ اِے مسئلہ ءَ اساسی کانود ءِ "مادہ 15" تہ ءَ ھست اِنت کہ ایران ءِ درستیں ٹکّ ءُ ٹول ماں پارسی زبان ءِ کش ءَ وتی ھندی ءُ دمگی لبزانک ءَ ھم یات بہ گر اَنت ۔

آئی ءَ درائینت : مارا رسانکدرے ھست کہ توان اِیں بلوچی زبان ءَ نبشت بہ کن اِیں بلے منیں بلوچ زبان زاناں ماں اِے رسانکدر ءَ چیزے بہ نبشت کناں ؟ کہ ما گیشتریں بلوچ بلوچی زبان ءِ وانگ ءُ نبیسگ ءَ نزور اِیں کہ منی وتی جند ماں درستیں پڑاں نبشت کنت. 

راستی ءَ لوٹ ئے ما وتی ماتی زبان ءُ لبزانک ءِ یات گرگ ءَ زبھر اِیں ءُ اِیشی ءَ من وانینگ ءُ یات دیگ ءِ مزنیں سیاست مدارانی گوش ءِ پُشت ءَ جناں کہ ترسگ اَنت پارسی زبان پہ ایشیگی نزور بہ بیت ۔

بانک وشکوی ءَ درائینت : "وھدے کہ ما یونسکو ءِ پٹ ءُ پولاں ءُ ھمے وڑ ءَ بازیں چنت زبانیں ملکاں چار ءُ بیچار کن اِیں کہ ھم وتی ماتی زبان داشتگ ءُ سمبال اِتگ اِش ءُ ھم رسمی زبان ھاٹیگ مندتر کتگ اِش دانکہ ھندی ءُ رسمی زبان ءَ گوں رھوتے جوڑ کنگ بہ بیت گڑا پوہ  بئیں اگاں ھَندی زبان ساٹگ ءُ سمبالگ بہ بنت ناں ایوک ءَ رسمی زبان نزور تر اَنت بلکیں آ تاکت ور ءُ زوراک تر بنت.

آئی ءَ ماں گڈسر ءَ درانگاز اِت : ھر وھد اے چیز ءَ درور پیش کناں کہ پہ پارسی زبان ءِ شنگ ءُ تالان کنگ ءِ جاگاہ ءَ کہ ماں یک شیشگیں درپے ءِ توک ءَ کتگ ءُ نئیلگ اِیں کہ کسے دست ئِے بہ جنت کہ ما چہ ھَندی ءُ دمگی زباناں پہ وانینگ ءُ دربرائینگ ءَ سیت برت کنیں ءُ رسمی زبان ءِ شنگ ءُ تالان کنگ ءُ ساٹگ ءَ ماں جھان ءَ سیت مند بئیں.