الی بکش دشتیاری : چونیں شونکیں پیش آتکے پیش کپتگ کہ انی ورنایاں میارجل ءِ کار دستی کُتگ ،+تامر

چہ میارجل ھالرسانی بنجاہ ءِ ھالانی رِد ءَ : الی بکش دشتیاری ءَ درانگاز اِت : چہ میارجل ءِ بلوچی تندجاہ ءِ دیم درائی ءَ سک باز وش ءُ گل اِیں کہ یک دروازگے پہ بلوچی زبان ءِ واست ءَ پچ بیتگ ءُ گھتر چہ آئی ءَ اِیش اِنت کہ بلوچ ورنایاں وت وتی کار دستی کتگ اَنت ۔

بلوچانی نبشتہ کار ءُ لچہ کار ءِ درائینت : چہ میارجل ءِ ھالرسانی بنجاہ ءِ سرجمیں باسک ءُ کاروالایاں کہ پہ بلوچی ءِ دارگ ءُ دیم ءَ برگ ءَ جھد ءُ کوشست کنگ اَنت منت واری پیش کناں ، ءُ ما ھم وتی ھمراھی ءِ جار ءَ جن اِیں کہ شمئے ھمگامی ءُ ھمراھی ءَ کا اِیں داں جاھے کہ مئے ند ءِ ھاٹیگ اِنت کار ءَ دیم ءَ بر اِیں ، ھمے وڑ ءَ چہ اِے رسانکدر ءِ بانکاں منہ واری پیش کتگ ئِے ۔

آئی ءَ ماں گڈسر ءَ تران کنان کت : ما چہ اِے پیش آمد ءَ سک باز وش ھال اِین ءُ اِے تندجاہ ءِ مھروانی ءَ ھاسیں منت واری یے پیش کن اِیں کہ منی وتی جند ءَ سک باز دوست بیت کہ مدام آئی ءِ ھالاں رندگیری کنگاں کہ شری ءِ سر ءَ بلوچستان ءِ مردمانی درداں دیم ءَ یارگ ءُ پیش دارگ اِنت ۔