منوچھر بارکزھی : یک وھدے کتاب ءِ دست ءَ کنگ گناہ بوتگ / چون وش اِنت کہ انی بلوچی زبان ءَ ھاسیں بنجاھے

چہ میارجل ءِ ھالرسانی بنجاہ ءِ نیمگ ءَ : منوچھر بارکزھی کہ ربیدگی ءُ رسانکدری جھدکارے ءُ ماں میارجل ءِ بلوچی بھر ءِ دیم درائی ءِ مراگش ءَ درائینت ئِے : ھژدری ئیں کار ماں رسانکدراں یات دیگ اِنت ءُ اگاں کرار اِنت اِے سرڈگار ءُ بلوچ راج ءِ توار ماں جھان ءِ گوشاں بہ رس اِیت باید کہ میارجل ءِ سرجمیں باسک یات دیگی نگاہ ءَ پھتو ءُ سوھو بہ بنت ۔

آئی ءَ تران کنان کُت : یک روچے بلوچی کتاب ءِ دست ءَ کنگ  ماں اِے سرڈگار ءَ گناہ لیکگ بوتگ ءُ الم سپاھیگانی جست ءُ پرسانی دیمپان بوتگ ءُ انی چونیں وشیں پیش آتک آتکگ اَنت کہ آھر انیگ ءَ مارا بلوچاں رسمی دروشم ءَ پجاہ کار اَنت ءُ مئے پھر اِنت کہ میارجل آتکگ داں کہ بلوچ راج ءِ توار بہ بیت ۔

بارکزھی ءَ گڈسر ءَ ترا کنان ءَ گْوشت : دزبندی یے  کہ ھست اِنت کہ میارجل ءِ ھالرسانی بنجاہ ءِ سرجمیں باسک بلوچ بہ بنت ، داں وش تر بلوچ راج ءِ درد ءِ پہ زمہ وارانی گوشاں رس اِیت ءُ ھر چنت کہ انگت ھم اِے گپ ءَ من اِیر بُرت نہ کناں کہ انی تندجاہ گوں یک زبانے ءَ کار ءَ اِنت کہ بلکیں ماں ھِچ شھدربرجاہ ءُ ھچ وانگجاھے ءَ وانینگ نہ بیگ اِنت ۔