میارجل ءِ گپ ءُ رَپّ گوں بلوچانی کتابداریں بانُک ءَ /مہ بی بی دُرھُش ءَ ماں وتی دمگ ءَ یک گِلِی لوگے

چہ میارجل ءِ ھالرسانی بنجاہ ءِ نیمگ ءَ ; اِے بلوچ بانک کہ سے چک ءِ مات اِنت ءُ 14 سال ءِ تجربت ماں آموزش ءُ پرورش ءَ پہ وانیبوک ءِ بِستار ءَ ھست اِنت ئِے کہ گْوشگ اِنت کہ چہ دیریں مدتے ماں دل ءَ واھگ ئِے بوتگ کہ یک شریں کارے پہ بنی آدماں کت بہ کنت ءُ ماں اِے راہ ءَ کتاب ءُ کتاب وانی ءِ نیمگ ءَ گیشتر واھگ دار بوتگ ۔

آ گْوش اِیت : چہ کسانی ءَ گیشتر پہ کتاب ءَ واھگ دار بوتگ داں وھدے کہ آموزش ءُ پرورش ءَ کار ءَ زیرگ بوتگ ، جھد ئِے کتگ ; کہ ھر ھالتے ءِ چہ کتاب ءُ کتاب وانی ءَ بے تْرانگ مہ بیت ، بلکیں ماں وانگ ءِ درگت ءَ ھم یک کتابدارے ءِ بستار ءَ ماں وانگ جاہ ءَ جھد ئِے کتگ ۔

مہ بی بی درھش گْوش اِیت : زندمان ءِ سرجمیں مُدّت ءَ کتاب ءَ گیشتریں کارست ءُ سان مندی منی سر ءَ اِیر کتگ ءُ آ چیزے کہ تا انیگ ءَ من دست ءَ آورتگ کہ من ھمے گامگیج ءُ پڑ ءُ میدان ءِ ندریگ ءُ ھیرات آں ۔

اِے بانک ءَ ابید چہ کتاب ءِ جھلانکیں بستار ءُ مانا ءَ کہ پہ وتی زانت دربر ءُ واھگ داراں بہ پریچ اِیت وتی چک ءُ لوگ واجہ ءُ لوگمان ءِ مردم ھم گوں اِے ربیدگ ءَ آژناگ ءُ پجار بہ کنت۔