رئیس جمھور ءِ پیشیگیں ھپتگ ءِ سات ءُ سپر ءِ کِرّ ءُ کَنِکّ ماں کَنِکّ نِندانی گْور ءَ / میرآباد ءِ مر

چہ میارجل ءِ ھالرسانی بنجاہ ءِ ھالانی رد ءَ : یک ھپتگے چہ رئیس جمھور ءِ ساڑی بیگ ءَ ماں چھبار ءِ میر آباد ءَ گْوزگ اِنت چوناھیگا سید ابراھیم رئیسی ،ایران ءِ نوکیں کارمستر ءِ کرار ءُ مدار پہ چھبار ءِ کنک نندیں مردمانی بارو ءَ پہ اِے زوتی ءَ شموشگ نہ بیت.

آئی ءَ اِے مردماں بازیں کول ءُ کرار داتگ ءُ آ بے کَچّ ءَ امیت وار کُتگ اَنت ،ھرچنت آ وت اِیشی ءِ داواگر اَنت کہ اُگدہ داراں رئیس جمھور تِچک ءَ تچک میر آباد ءَ نیاورتگ ءُ دارگ ءَ شتگ اَنت پہ ماڑیانی نیمگ ءَ کہ نوک جوڑ کنگ بیگ اَنت ، داں ھِیلّتے مردم وت آئی ءِ ساڑی بیگ ءِ جاگاہ ءَ شتگ اَنت ءُ اِے وڑ ءَ آ کٹوگانی نیمگ ءَ برتگ اِش.