پیسروکیں ھیرکارانی جھد ءُ ساہ پہ دربرجاھانی اڈ ءُ کمک کنگ ءِ ھاتر ءَ ماں دشتیاری ءِ دمگ ءَ

چہ میارجل ءِ بنجاھی ھالرسانی ءِ ھالانی رد ءَ ; وانگ ءُ دربرگ ءِ کارپداں ماں ھرچ چاگرد ءِ تہ ءَ بے دروریں بستارے لیکگ بیت ءُ وانگ ءُ دربرگ ءِ مولانی سر ءَ جھد کنگ ، ھرچ راجمانے ءِ بود ءُ دیمروی ءِ سوَب بوت کنت چمشکا اے بنگپانی سر ءَ جھدکنگ ، آ چاگرد ءِ درھیں اگدہ داریں مردمانی زمہ انت دانکہ آھانی نوکیں پدریچ چہ اے جھدانی کارپداں سوبمند بنت .

چہ ھمے ھاتر ءَ ماں دشتیاری ءِ شاھگانیں دمگ ءَ ، گوستگیں سالانی تہ ءَ لھتے ھیرکاریں دربرجاہ اڈ کنوکاں بازیں جھدے برجم داشتگ دانکہ دربرجاھانی کُھت ءُ کمّی ءِ جنجٹ ءَ گوں وتی نیک سساھیں مارشتاں چہ دمگ ءِ پادانی دیم ءَ بہ زور انت ءُ گوں نوکیں دربرجاھانی اڈ کنگ ءَ ، واری ءُ زبھری ءِ زنگاں بہ شود انت . نوں اے ھیرکارانی جھد ءِ درچک وتی کٹّ ءُ بَر ایر داتگ ءُ دمگ ءِ لس مردماں چہ اے ھاتر ءَ کہ ھند ءِ اوبادگاں ماں امن ءُ ایمن ایں دربرجاھانے وانگ ءُ دربرگ ءَ انت ، آھانی نیکیں کِردانی منہ وار انت / رجانک : میرجلال .