پرچا ماں ایران ءَ گیشتریں نودربر کہ چہ وانگ ءَ در آیگ اَنت بلوچستان ئیگ اَنت ؟+تامر
بلوچستان ءِ وانوکیں چُکّ چہ بنداتی آسراتیاں زبھر اَنت ءُ وتی زندمان ءِ لوٹانی پَیلو کنگ ءَ لاچار اَنت کہ وانگجاھاں دیم پہ ڈیزل کشی یا پہ ھمے وڑیں کاراں یلو بہ کن اَنت ءُ وتی زندمان ءِ بھارگھی روچاں پہ چُنڈیں نانے ءِ اُمیت ءَ ماں سیمسر ءِ رو ءُ آ ءَ بہ گوازین اَنت ۔
چہ میارجل ءِ ھالرسانی بنجاہ ءِ ھالانی رِد ءَ : بلوچستان ءِ نُگلِیں ورنا کہ ھدا ءَ مزنیں سِنچ ءُ بودے ءِ واھند کتگ اَنت ماں ایران ءِ تہ ءَ گِیش ءَ گیش ڈالچار کنگ بوتگ اَنت ءُ نگیگیں جاورانی آماچاں اِے باگ ءِ زیبناکیں پُل پہ گواڑگ جنگ ءَ نہ اِشتگ اَنت ءُ بے مھریں زمانگ ءَ اِیشانی وانندھی ءِ روچ ماں وتی ٹِیلگاں جَتگ ، بنداتی وانگ ءَ گوں مزن واھگ ءُ واھش ءَ گامگیج زور اَنت بلے دیم تر ءَ ماں راھسراں گوں مزنیں دیوالاں دیم پہ دیم بنت کہ آیانی وانگی لوٹ ءُ واھگاں پُل اَنت ۔
کارمرز کنوکانی هیال